ଭୁବନେଶ୍ୱର: ବିଜେଡିରେ ମିଶିଲେ ଭଦ୍ରକ ଜିଲ୍ଲାର ମହିଳା ସଶକ୍ତୀକରଣର ପ୍ରତୀକ ହରପ୍ରିୟା ସାହୁ। ବିଜେପି ଛାଡ଼ି ହରପ୍ରିୟା ବିଧିବଦ୍ଧ ଭାବେ ବିଜୁ ଜନତା ଦଳରେ ଯୋଗଦେଇଛନ୍ତି। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଓ ସାଙ୍ଗଠନିକ ସମ୍ପାଦକ ପ୍ରଣବ ପ୍ରକାଶ ଦାସଙ୍କ ପକ୍ଷରୁ ତାଙ୍କୁ ବିଜେଡିକୁ ସ୍ୱାଗତ କରିଛନ୍ତି ସାଂସଦ ସସ୍ମିତ ପାତ୍ର।
ବିଜେପି ଭଦ୍ରକ ଜିଲ୍ଲା ମହିଳା ସଭାନେତ୍ରୀ ଥିଲେ ହରପ୍ରିୟା ସାହୁ। ତାଙ୍କ ମିଶ୍ରଣ ଦ୍ୱାରା ବିଜେଡି ଭଦ୍ରକ ଜିଲ୍ଲାରେ ଶକ୍ତିଶାଳୀ ହେବା ସହ ସବୁ ସିଟ୍ ଜିତିବ। ବିଜେଡି କନ୍ଧମାଳ ପର୍ଯ୍ୟବେକ୍ଷକ ବିଜୟ ନାୟକ କହିଛନ୍ତି। ବିଜେପିରେ ମହିଳାଙ୍କ ସମ୍ମାନ ନାହିଁ। ମୁଖ୍ୟମନ୍ତ୍ରୀଙ୍କ ନୀତି ଆଦର୍ଶରେ ସେ ସାମିଲ ହୋଇଛନ୍ତି।
ବିଜେପିରୁ କାଲି ଇସ୍ତଫା ଦେଇଥିବା କହିଛନ୍ତି ହରପ୍ରିୟା। ମୁଖ୍ୟମନ୍ତ୍ରୀଙ୍କ ନୀତି ଓ ଆଦର୍ଶରେ ଅନୁପ୍ରାଣିତ ହୋଇ ବିଜେଡିରେ ମିଶିଛନ୍ତି। ବିଜେପିର କିଛି ବିଚାର ଧାରା ନାହିଁ। ମହିଳାଙ୍କ ସମ୍ମାନ ନାହିଁ। କେବଳ ପ୍ରଚାର ପାଇଁ ମହିଳାଙ୍କୁ ଲଗାଉଛି ବିଜେପି।
