ନୂଆପଡ଼ା ଉପନିର୍ବାଚନ: ଲୋକଙ୍କୁ ଡରାଇବାକୁ ବିଜେପି ନେତାଙ୍କ ପିଏସଓଙ୍କ ଫାଙ୍କା ଗୁଳିଚାଳନା ଅଭିଯୋଗ
ନନ୍ଦିଘୋଷ ବ୍ୟୁରୋ: ଉପନିର୍ବାଚନ ପୂର୍ବରୁ ନୂଆପଡ଼ାକୁ ଅଶାନ୍ତ କରିବାକୁ କୌଣସି ପ୍ରକାର ସୁଯୋଗ ଛାଡୁନି ବିଜେପି । କର୍ମୀ ତ କର୍ମୀ ନେତାଙ୍କ ଦାଦାଗିରି ଚରମସୀମାରେ ପହଞ୍ଚିଛି । ହାରିବା ନିଶ୍ଚିତ ଜାଣି ସରକାରୀ ଦଳ ଔଷଧ ବିକଳରେ ତାଟିଆ କାମୁଡ଼ି ହେଉଛି । ପ୍ରଶାସନ ଓ ପୋଲିସକୁ ଲଗାଇ ବିରୋଧୀଙ୍କ ସ୍ବରକୁ ଦବାଇ ଦେବାକୁ ଚେଷ୍ଟା କରିଛି । ଏପରି ସ୍ଥିତିରେ ବ୍ଲାକ୍ ଫାୟରିଂ କରି ଶାନ୍ତ ନୂଆପଡ଼ାକୁ ଅଶାନ୍ତ ମଧ୍ୟକୁ ଠେଲି ଦେବାକୁ ଉଦ୍ୟମ କରାଯାଇଛି ।
କୋମନାରେ ଲୋକଙ୍କୁ ଭୟଭୀତ କରିବାକୁ ବିଜେପି ଉଦ୍ୟମ କରୁଥିବା କଂଗ୍ରେସ ଅଭିଯୋଗ କରିଛି । ଜଣେ ବିଜେପି ବିଧାୟକଙ୍କ ପିଏସଓ ବ୍ଲାଙ୍କ ଫାୟାରିଙ୍ଗ କରିଥିବା ସୂଚନା ମିଳିଛି । ଏନେଇ କଂଗ୍ରେସ କର୍ମୀ କୋମନା ଥାନାରେ ଲିଖିତ ଅଭିଯୋଗ କରିଛନ୍ତି । ଗତ ରାତିରେ ଏହି ଫାୟାରିଂ ହୋଇଥିବା କଂଗ୍ରେସ ଅଭିଯୋଗ କରିଛି ।
