ନୂଆଦିଲ୍ଲୀ: ସାରା ଦେଶରେ ବିଜେପି ପାଳୁଛି କଳା ଦିବସ। ୧୯୭୫ ମସିହା ଆଜିର ଦିନ ୨୫ ଜୁନରେ ସାରା ଦେଶରେ ଲାଗୁ ହୋଇଥିଲା ଜରୁରୀକାଳୀନ ପରିସ୍ଥିତି ଏମର୍ଜେନି। ପ୍ରଧାନମନ୍ତ୍ରୀ ଇନ୍ଦିରାଗାନ୍ଧିଙ୍କ ଶାସନ କାଳରେ ଏହି ଏମର୍ଜେନ୍ସି ଲାଗୁ କରାଯାଇଥିଲା। ଏହି ଦିବସର ବିରୋଧ କରି ବିଜେପି ପକ୍ଷରୁ କଳାଦିବସ ପାଳନ କରାଯାଉଛି।
ଆଜି ଏବଂ ଆସନ୍ତାକାଲି ଏହି ବ୍ଲାକ୍ ଡେ ପାଳନ କରାଯିବ। ଦେଶରେ ଏମର୍ଜେନସି ଲାଗୁକୁ ଆଜି ୪୩ ବର୍ଷ ପୁରିଛି। ଏହାକୁ ନେଇ ବିରୋଧୀ କଂଗ୍ରେସକୁ ଘେରିବାକୁ ଯୋଜନା କରିଛି ବିଜେପି। ୨୬ ଜୁନରେ ବିଜେପି କଂଗ୍ରେସ ବିରୋଧରେ ସାରା ଦେଶରେ ସାମ୍ବାଦିକ ସମ୍ମିଳନୀ କରିବ। ବିଜେପି ପକ୍ଷରୁ ବିଭିନ୍ନ ମନ୍ତ୍ରୀ ଦେଶର ଏକାଧିକ ସ୍ଥାନରେ ଏହି ପ୍ରେସମିଟ କରିବେ।
ଗୁଜରାଟରେ ପ୍ରେସମିଟ କରିବେ କେନ୍ଦ୍ର ଗୃହମନ୍ତ୍ରୀ ଅମିତ ଶାହ।ଏଥିରେ ବିଜେପିର ଅନେକ ପ୍ରମୁଖ ନେତା ସାମିଲ ହେବାର କାର୍ଯ୍ୟକ୍ରମ ରହିଛି। ଦେଶରେ ଏମର୍ଜେନସି ଲାଗୁ ସମୟରେ ଜୟପ୍ରକାଶ ନାରାୟଣ, ମୋରରଜୀ ଦେଶାଇ ସମେତ ଅନେକ ବଡ଼ ବଡ଼ ନେତାଙ୍କୁ ଗିରଫ କରାଯାଇଥିଲା।
