ଭୁବନେଶ୍ୱର: ଭୁବନେଶ୍ୱରରେ ସମସ୍ତ ଟିକାକେନ୍ଦ୍ରକୁ ବ୍ୟବସ୍ଥିତ କରିବାକୁ ବିଏମସି ନେଇଛି ପଦକ୍ଷେପ। ପୂର୍ବରୁ ଗୋଟିଏ କେନ୍ଦ୍ରରେ ଉଭୟ ଟିକାକରଣ ଓ କୋଭିଡ ଟେଷ୍ଟିଂ ହେଉଥିବା ଯୋଗୁଁ ଲୋକଙ୍କ ମନରେ ସଂକ୍ରମଣ ଭୟ ଥିଲା । ଟିକା ଗ୍ରହଣ ପାଇଁ ସ୍ଲଟ୍ ବ୍ୟବସ୍ଥା ସତ୍ତ୍ୱେ ଲୋକେ ଭିଡ଼ ଜମାଉଥିଲେ। ଏସବୁକୁ ଦୃଷ୍ଟିରେ ରଖି ଆଜି ସବୁ ଟିକା କେନ୍ଦ୍ରରେ ଟେଷ୍ଟିଂକୁ ପୃଥକ କରାଯାଇଛି। ବିନା ସ୍ଲଟ୍ ବୁକିଂରେ ଯେମିତି କେହି କେନ୍ଦ୍ର ନିକଟକୁ ଆସିବେ ନାହିଁ ସେଥିପାଇଁ ପୋଲିସ ମୁତୟନ କରାଯାଇଛି।
ଅନ୍ୟପଟେ ଖରା ଦାଉରୁ ଲୋକଙ୍କୁ ରକ୍ଷା କରିବା ପାଇଁ ଟେଣ୍ଟ୍ ବ୍ୟବସ୍ଥା ମଧ୍ୟ କରାଯାଇଛି । ଏସବୁକୁ ତଦାରଖ କରିବା ପାଇଁ ସବୁ କେନ୍ଦ୍ରକୁ ବିଏମସି କମିଶନର ପ୍ରେମ ଚନ୍ଦ୍ର ଚୌଧରୀଙ୍କ ନିର୍ଦ୍ଦଶ କ୍ରମେ ସ୍ୱତନ୍ତ୍ର ଅଧିକାରୀମାନଙ୍କୁ ପଠାଯାଇଥିଲା।
