ଭୁବନେଶ୍ୱର: ରାଜ୍ୟରେ କରୋନା ସଂକ୍ରମଣ ଏବେ ଧିରେ ଧିରେ କମିବାରେ ଲାଗିଛି। ଅନେକ କଷ୍ଟ ପରେ ଏବେ ଧିରେ ଧିରେ ସୁଧୁରୁଛି ପରିସ୍ଥିତି। ହେଲେ ଏବେ ବି ବିପଦ ଟଳିନାହିଁ। କରୋନା ବିପଦ କେତେବେ ବି ତାର ରୂପ ବଦଳାଇ ପୁଣି ଅଧିକ ସକ୍ରିୟ ହୋଇପାରେ। ସେଥିପାଇଁ ରାଜ୍ୟ ସରକାର ସବୁ ସମୟରେ ଲୋକଙ୍କୁ ସଚେତନ ରହିବାକୁ କହୁଛନ୍ତି। ହେଲେ ଏବେ ମୁଣ୍ଡ ବିନ୍ଧାର କାରଣ ପାଲଟିଛନ୍ତି ଅମାନିଆ। କୌଣସି ନା କୌଣସି ଉପାୟରେ ଭାଙ୍ଗିବାକୁ ଲାଗିଛନ୍ତି କଟକଣା।
ରାଜଧାନୀ ଭୁବନେଶ୍ୱରରେ ଚିନ୍ତା ବଢାଉଛନ୍ତି ଅମାନିଆ। ପୁଣି ଥରେ ସିଲ ହେଲା ତାରିଣୀ ବସ୍ତ୍ରାଳୟ। କଳ୍ପନା ଛକରେ ଥିବା ତାରିଣୀ ବସ୍ତ୍ରାଳୟକୁ ପୁଣିଥରେ ସିଲ କରିଛି ବିଏମସି। ପଛ ଗେଟ ଦେଇ ବିକ୍ରି ହେଉଥିବା ଖବର ପାଇଥିଲା ବିଏମସି। ଯାହାଫଳରେ ଚଢାଉ କରାଯାଇଥିଲା। ଦୋକାନ ଭିତରେ ଅନେକ ଲୋକ ଥିବା ଜଣାପଡିଥିବାବେଳେ ସେମାନଙ୍କ ଠାରୁ ଫାଇନ କାଟିଛି ବିଏମସି। ତେବେ ଏହା ପୂର୍ବରୁ ମଧ୍ୟ ରଜ ସାବିତ୍ରୀ ସମୟରେ ତାରିଣୀ ବସ୍ତ୍ରାଳୟକୁ ସିଲ୍ କରାଯାଇଥିଲା।
