ଦୁଇଦିନ ପୂର୍ବରୁ ନିଖୋଜ ଛାତ୍ରଙ୍କ ଗଳିତ ଶବ ଜବତ, ହତ୍ୟା ଅଭିଯୋଗ

ନନ୍ଦିଘୋଷ ବ୍ୟୁରୋ: ଦୁଇଦିନ ପୂର୍ବରୁ ନିଖୋଜ ଛାତ୍ରଙ୍କ ଗଳିତ ଶବ ଊଦ୍ଧାର । ଘରଠାରୁ ପ୍ରାୟ ତିନି କିମି ଦୂର ଏକ ବୁଦା ମୂଳରୁ ଛାତ୍ରଙ୍କ ମୃତଦେହ ଉଦ୍ଧାର କରିଛି ପୋଲିସ । ପୁଅକୁ ହତ୍ୟା କରିବା ପରେ ଫିଙ୍ଗି ଦିଆଯାଇଥିବା ଅଭିଯୋଗ କରିଛନ୍ତି ପରିବାର ଲୋକେ । ଘଟଣା ଆସ୍କା ଗାଙ୍ଗପୁର ଥାନା ଖଣ୍ଡରା ବଳି ଗାଁରେ ଘଟିଛି ।

ସୂଚନା ଅନୁସାରେ ମୃତ ଛାତ୍ର ଜଣଙ୍କ ହେଲେ ବାବୁ ବିଷୋୟୀଙ୍କ ୧୪ ବର୍ଷର ପୁଅ ଅମର । ଗତ ୨୮ ତାରିଖରୁ ଅମର ନିଖଷାଜ ଥିଲେ ।  ଏ ନେଇ ଗାଙ୍ଗପୁର ଥାନାରେ ପରିବାର ପକ୍ଷରୁ ନିଖୋଜ ଅଭିଯୋଗ ହୋଇଥିଲା l  ଘଟଣାସ୍ଥଳରେ ପୋଲିସ ପହଁଚି ତଦନ୍ତ ଆରମ୍ଭ କରିଛି l

ଘଟଣା ଦିନ ମୃତକଙ୍କ ମାଆ ବାହାରକୁ ଯାଇଥିବା ବେଳେ ଜେଜେଙ୍କୁ ଚାହା କରି ପିଇବାକୁ ଦେଇଥିଲେ । ଏପରିକି ଘରେ ମଧ୍ୟାହ୍ନ ଭୋଜନ କରିଥିଲେ । ଏହାପରେ ଘରୁ ବାହାରକୁ ଯାଇ ଆଉ ଫେରି ନଥିଲେ । ପରିବାର ଲୋକେ ବିଭିନ୍ନ ସ୍ଥାନରେ ଖୋଜାଖୋଜି କରି ନିରାଶ ହେବା ପରେ ଥାନାରେ ଅଭିଯୋଗ କରିଥିଲେ । ତେବେ କିଏ ଓ କାହିଁକି ତାଙ୍କୁ ହତ୍ୟା କରିଛି କାରଣ ଅସ୍ପଷ୍ଟ ରହିଛି । ପୋଲିସ ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପଠାଇବା ସହ ଘଟଣାର ତଦନ୍ତ ଆରମ୍ଭ କରିଛି ।