ଜନ୍ମାମାଟିରେ ପହଞ୍ଚିଲା ପହଲଗାଓଁ ମୃତକ ପ୍ରଶାନ୍ତ ଶତପଥୀଙ୍କ ମରଶରୀର

ନନ୍ଦିଘୋଷ ବ୍ୟୁରୋ: ସାରା ଅଞ୍ଚଳ ସ୍ତବ୍ଧ । କାନ୍ଦ ବୋବେଳିରେ ଫାଟି ପଡୁଛି ଗାଁ ଦାଣ୍ଡ । ସମସ୍ତଙ୍କ ଆଖିରୁ ଝରି ଯାଉଛି ଲୁହ । କାରଣ ପରିବାର ସହ ହସି ହସି ଜମ୍ମୁ ଓ କାଶ୍ମୀରର ସୌନ୍ଦର୍ଯ୍ୟ ଉପଭୋଗ କରିବାକୁ ଯାଇଥିବା ପ୍ରଶାନ୍ତ ଶତପଥୀ ଶବ ହୋଇ ଫେରିଛନ୍ତି । ଆତଙ୍କବାଦୀଙ୍କ ଗୁଳି ତାଙ୍କ ଛାତି ଭେଦ କରି ଜୀବନ ନେଇ ଯାଇଛି ।

ଶ୍ରୀନଗରରୁ ସ୍ବତନ୍ତ୍ର ବିମାନରେ ପ୍ରଶାନ୍ତଙ୍କ ମର ଶରୀର ଭୁବନେଶ୍ବର ବିମାନ ବନ୍ଦରରେ ପହଞ୍ଚି ଥିଲା । ସେଠାରୁ ତାଙ୍କୁ ଜନ୍ମମାଟି ବାଲେଶ୍ବର ଇସାଣୀ ଗାଁକୁ ନିଆଯାଇଛି । ଆଜି ପ୍ରଶାନ୍ତର ହେବ ଅନ୍ତିମ ସତ୍କାର ।

ତିନିଦିନ ପୂର୍ବେ ପ୍ରଶାନ୍ତ ପତ୍ନୀ ଓ ପୁଅ ସହ ପହଲଗାଓଁ ବୁଲିବାକୁ ଯାଇଥିଲେ । ସେଠାରେ ହୋଇଥିବା ଆତଙ୍କବାଦୀ ଆକ୍ରମଣର ଶିକାର ହୋଇଥିଲେ । ଏହି ଆକ୍ରମଣରେ ପ୍ରଶାନ୍ତଙ୍କ ସମେତ ୨୮ ଜଣ ପର୍ଯ୍ୟଟକଙ୍କ ମୃତ୍ୟୁ ଘଟିଛି ।