ଖୁବଶୀଘ୍ର ଆସୁଛି କଙ୍ଗନାଙ୍କ ‘ମଣିକର୍ଣ୍ଣିକା ରିଟର୍ନ୍ସ: ଦ ଲିଜେଣ୍ଡ ଅଫ୍ ଦିଦା‘ ଫିଲ୍ମ

ନୂଆଦିଲ୍ଲୀ: ବଲିଉଡର ଆଗଧାଡିର ନାୟିକା କଙ୍ଗନା ରାଣାୱତ ନିଜ ଅଭିନୟ ପାଇଁ ଯେତିକି ପରିଚିତ, ସେତିକି ଚର୍ଚ୍ଚିତ ନିଜର ବିବାଦୀୟ ମନ୍ତବ୍ୟ ପାଇଁ ।

ଏହି ଆକ୍ଟ୍ରେସ୍ ଜଣକ ଟ୍ୱିଟରରେ ନିଜ ଆଗାମୀ ଫିଲ୍ମ ‘ମଣିକର୍ଣ୍ଣିକା ରିଟର୍ନ୍ସ: ଦ ଲିଜେଣ୍ଡ ଅଫ୍ ଦିଦା‘ ସମ୍ପର୍କରେ ସୂଚନା ଦେଇଛନ୍ତି । ଝାନ୍ସି ରାଣୀଙ୍କ ଭଳି ଅନେକ ବୀରଙ୍ଗାନାଙ୍କ କାହାଣୀର ସାକ୍ଷୀ ରହିଛି ଆମ ଭାରତ ବର୍ଷ । ସେହିପରି ଏକ ଅଜଣା ବୀରଗାଥା ହେଉଛି କାଶ୍ମୀରର ଜଣେ ନାରୀଙ୍କର । ଯିଏକି ମହମୁଦ ଗଜନବିଙ୍କୁ ଥରେ ନୁହେଁ ବରଂ ଦୁଇ ଥର ପରାସ୍ତ କରିଥିଲେ । ଯାହାକୁ ଫିଲ୍ମ ରୂପେ ଆଣୁଛନ୍ତି କମଲ ଜୈନ ଓ ମୁଁ ।

हमारा भारतवर्ष साक्षी रहा है झाँसी की रानी जैसे कई वीरांगनाओं की कहानी का. ऐसी ही एक और अनकही वीरगाथा है कश्मीर की एक रानी की, जिसने महमूद गजनवी को एक नहीं, दो बार हराया. ले कर आ रहे हैं @KamalJain_TheKJ और मैं, #ManikarnikaReturns: The Legend of Didda 🙏 pic.twitter.com/sgrqkqilj6

— Kangana Ranaut (Modi Ka Parivar) (@KanganaTeam) January 14, 2021

ରାଣୀ ଦିଦା ହେଉଛନ୍ତି କାଶ୍ମୀର ଉପରେ ଶାସନ କରିଥିବା ପ୍ରଥମ ମହିଳା । ଯିଏକି ୫ ଦଶକ ଯାଏଁ କାଶ୍ମୀର ଉପରେ ରାଜ କରିଥିଲେ । ତାଙ୍କର ଗୋଟିଏ ଗୋଡ ପୋଲିଓ ଦ୍ବାରା ଆକ୍ରାନ୍ତ ଥିଲେ ବି ସେ ଜଣେ ମହାନ ଶାସକ ଓ ଯୋଦ୍ଧା ହୋଇପାରିଥିଲେ ।

ଏହି ଫିଲ୍ମର ସୁଟିଂ ୨୦୨୨ ମସିହା ଜାନୁଆରିରେ ଆରମ୍ଭ ହୋଇପାରେ । ଏହାବାଦ୍ କଙ୍ଗନା ଖୁବଶୀଘ୍ର ଥଲାଇଭି ଚଳଚ୍ଚିତ୍ରରେ ନଜର ଆସିବାକୁ ଯାଉଛନ୍ତି । ଯେଉଁ ଫିଲ୍ମରେ ସେ ତାମିଲନାଡୁର ପୂର୍ବତନ ମୁଖ୍ୟମନ୍ତ୍ରୀ ଜୟଲଳିତାଙ୍କ ଭୂମିକାରେ ନଜର ଆସିବେ ।