ତେଲୁଗୁ ସୁପରଷ୍ଟାର ଏବଂ ବାହୁବଳୀରେ ବଲିଉଡରେ ଖୁବ ଲୋକପ୍ରିୟତା ହାସଲ କରିଥିବା ପ୍ରଭାସଙ୍କ ଅଭିନୀତ ଦମଦାର ଫିଲ୍ମ ଦେଖିବା ପାଇଁ ଦର୍ଶକ ଖୁବ ଉତ୍ସାହର ସହିତ ଅପେକ୍ଷା କରିଥାନ୍ତି । ନିକଟ ଅତୀତରେ ପ୍ରଭାସ ଇଂଷ୍ଟାଗ୍ରାମରେ ଏକ ପୋଷ୍ଟ ଶେୟାର କରିଥିଲେ । ଯେଉଁଥିରେ ସେ ଫିଲ୍ମ ନିର୍ମାତା ଓମ ରାଓ୍ୱତଙ୍କ ସହିତ ମିଶି କିଛି ବଡ଼ କାମ କରିଛନ୍ତି ବୋଲି ସଙ୍କେତ ଦେଇଥିଲେ, ସେହି ସମୟରେ ତାଙ୍କ ପ୍ରଶଂସକ ତାଙ୍କ ଆଗାମୀ ଫିଲ୍ମ ବିଷୟରେ ଏହି ପୋଷ୍ଟ ହୋଇପାରେ ବୋଲି ଅନୁମାନ କରୁଥିଲେ । ଏବେ କିନ୍ତୁ ପ୍ରଶସକଙ୍କ ଦ୍ୱନ୍ଦରେ ପୂର୍ଣ୍ଣଚ୍ଛେଦ ପକାଇଛନ୍ତି ବାହୁବଳୀ ଷ୍ଟାର । ପ୍ରଭାସ ତାଙ୍କ ପ୍ରଶଂସକଙ୍କୁ ସରପ୍ରାଇଜ ଦେଇ ତାଙ୍କର ଆଗାମୀ ଫିଲ୍ମ ବିଷୟରେ ଘୋଷଣା କରିଛନ୍ତି । ତାଙ୍କର ଆଗାମୀ ଫିଲ୍ମର ନାମ ଆଦିପୁରୁଷ । ଏହାର ନିର୍ଦ୍ଦେଶନା ଭାର ତୁଲାଇଛନ୍ତି ଓମ୍ ରାଓ୍ୱତ । ଫିଲ୍ମର ପୋଷ୍ଟର ଇଂଷ୍ଟାଗ୍ରାମରେ ଶେୟାର କରିଛନ୍ତି ପ୍ରଭାସ ।
ପ୍ରଭାସଙ୍କ ଫିଲ୍କ ଆଦିପରୁଷକୁ ହିନ୍ଦୀ,ତେଲୁଗୁ,ତାମିଲ,ମଲୟାଲାମ ଏବଂ କନ୍ନଡ଼ ଭାଷାରେ ରିଲିଜ କରାଯିବ । ଫିଲ୍ମ ୨୦୨୨ରେ ସିନେମା ଘରେ ରିଲିଜ ହୋଇପାରେ । ଫିଲ୍ମରେ ପ୍ରଭାସ ଆଦିପୁରୁଷ ଚରିତ୍ରରେ ନଜର ଆସିବେ । ଅବଶ୍ୟ ଫିଲ୍ମରେ ପ୍ରଭାସଙ୍କ ଲୁକକୁ ନେଇ କୌଣସି ଖୁଲାସା ହୋଇନାହିଁ ।
