ଭୁବନେଶ୍ୱର: ଭିଜିଲାନ୍ସ ଜାଲରେ ବୌଦ୍ଧ ପରିବହନ ଅଧିକାରୀ। ଆରଟିଓ ବସନ୍ତ ମହାପାତ୍ରଙ୍କ ଘରେ ଚାଲିଛି ଭିଜିଲାନ୍ସ ରେଡ୍। ଏକକାଳୀନ ୧୦ଟି ସ୍ଥାନରେ ଚଢାଉ ହୋଇଛି। ବସନ୍ତଙ୍କ ଅଫିସ, ଭଞ୍ଜନଗର ସ୍ଥିତ ପୈତୃକ ଘର, ବୌଦ୍ଧ ଜଗନ୍ନାଥ ବିହାର ସ୍ଥିତ ଭଡାଘର ସମେତ ଭୁବନେଶ୍ବର ଓ ଗଞ୍ଜାମର ବିଭିନ୍ନ ସ୍ଥାନରେ ରେଡ୍ ହୋଇଛି।
ଆୟବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଚଢାଉ କରିଛି ଭିଜିଲାନ୍ସ। ଭୁବନେଶ୍ବର ପାହାଳରେ ଉତ୍କଳ ସିଗ୍ନେଚରର ଗୋଟଏ ରୁମ, ଉତ୍କଳ କନିକା ଗ୍ଯାଲେରିଆର ସପିଂ କମ୍ପ୍ଲେକ୍ସ, କଳାରାହଙ୍ଗର ଜେଡ୍ ୱାନ ଆପାର୍ଟମେଣ୍ଟ, କଳ୍ପନାର ଉତ୍କଳ ରୟାଲ ରେସିଡେନ୍ସିର ଫ୍ଲାଟ, ଶୈଳଶ୍ରୀ ବିହାର ଏବଂ ରଙ୍ଗମାଟିଆର ଆପାର୍ଟମେଣ୍ଟରେ ମଧ୍ଯ ଚଡାଉ ହେଉଛି। ରେଡରେ ୨ ଜଣ ଅତିରିକ୍ତ ଏସପିଙ୍କ ସମେତ ୬ ଜଣ ଲେଖାଏ ଡିଏସପି ଓ ଇନ୍ସପେକ୍ଟର ଏବଂ ଅନ୍ଯାନ୍ଯ ଅଧିକାରୀ ସାମିଲ ଅଛନ୍ତି।
