ଇଚ୍ଛାପୂରମ: ଓଡ଼ିଶା ସୀମାନ୍ତ ଆନ୍ଧ୍ରର ଇଚ୍ଛାପୂରମରେ ଭୁଶୁଡ଼ିଲା ବ୍ରିଜ। ଗ୍ରାନାଇଟ ବୋଝେଇ ଟ୍ରକ ଯିବା ବେଳେ ଭୁଶୁଡିଲା ବ୍ରିଟିଶ ଅମଳର ବ୍ରିଜ । ୧୯୨୯ ମସିହାରେ ଇଂରେଜମାନେ ବାହୁଦା ନଦୀ ଉପରେ ଏହି ବ୍ରିଜକୁ ନିର୍ମାଣ କରିଥିଲେ। ବ୍ରିଜ ଭୁଶୁଡିବାରୁ ଟ୍ରକର ଡ୍ରାଇଭର ଆହତ ହୋଇଛନ୍ତି । ଦୀର୍ଘ ଦିନ ଧରି ବ୍ରିଜଟି ବିପଦ ସଙ୍କୁଳ ଅବସ୍ଥାରେ ଥିଲା।
ପ୍ରତିଦିନ ଏହି ବ୍ରିଜ ଉପର ଦେଇ ଓଡ଼ିଶାର ପାତ୍ରପୁର ବ୍ଲକକୁ ବହୁ ବସ ଓ ଯାତ୍ରୀବାହୀ ଗାଡ଼ି ଯାଉଥିଲା। ବର୍ତ୍ତମାନ ଜାତୀୟ ରାଜପଥ ୧୬ ଦେଇ ପାତ୍ରପୁର ବ୍ଲକ ଅଞ୍ଚଳକୁ ବସ ଗୁଡ଼ିକ ଯାତାୟାତ କରୁଛି। ବ୍ରିଜର କ୍ଷମତା ୩୦ ଟନ ଥିବାବେଳେ ଅଧିକ ଓଜନ ବିଶିଷ୍ଟ ଗ୍ରାନାଇଟ ବୋଝେଇ ଟ୍ରକ ଲାଗି ଏହି ଅଘଟଣ ଘଟିଥିବା ସୂଚନା।
