ଗରିବଙ୍କ ପାଇଁ ସଞ୍ଜିବନୀ ସାଜିଛି BSKY , ମାଗଣା ଚିକିତ୍ସାରେ ସୁସ୍ଥ ହେଲେ କାମାକ୍ଷାନଗରର ମିନା ପାତ୍ର

କାମାକ୍ଷାନଗର : ଗରିବଙ୍କ ପାଇଁ ସଞ୍ଜୀବନୀ ସାଜିଛି BSKY  । ଅର୍ଥ ଅଭାବରୁ ଚିକିତ୍ସା ପାଇ ପାରୁନଥିବା ଗରିବ ଲୋକ ହେଉଛନ୍ତି ଉପକୃତ  । କାମାକ୍ଷାନଗର କାଦୁଆ ଜଳଧରପୁର ଗାଁର ମିନା ପାତ୍ର BSKY କାର୍ଡ ମାଧ୍ୟମରେ ହୋଇପାରିଛନ୍ତି ମାଗଣାରେ ଚିକିତ୍ସା  । ଆଜକୁ ପ୍ରାୟ ବର୍ଷେ ହେବ ମିନାଙ୍କ ପେଟରେ ଷ୍ଟୋନ ହୋଇଥିଲା  । ଅତ୍ୟନ୍ତ ଗରିବ ପରିବାରର ହୋଇଥିବାରୁ ଚିକିତ୍ସା ପାଇଁ ଅର୍ଥ ସାଜିଥିଲା ବାଧକ ।

ମିନାଙ୍କ ପାଇଁ ସଞ୍ଜିବନୀ ସାଜିଲା ରାଜ୍ୟ ସରକାରଙ୍କ ଯୁଗାନ୍ତକାରୀ ଯୋଜନା BSKY  । ଏହି କାର୍ଡ ସହାୟତାରେ ମିନା କଟକର ଏକ ଘରୋଇ ହସ୍ପିଟାଲରେ ଚିକିତ୍ସିତ ହୋଇ ଏବେ ସମ୍ପୂର୍ଣ୍ଣ ସୁସ୍ଥ ହୋଇ ପାରିଛନ୍ତି  । ତାଙ୍କ ଭଳି ଅନେକ ଗରିବ ଲୋକ BSKY ମାଧ୍ୟମରେ ଚିକିତ୍ସିତ ହୋଇ ସମ୍ପୂର୍ଣ୍ଣ ସୁସ୍ଥ ହୋଇ ପାରୁଛନ୍ତି  । ସେଥିପାଇଁ ମିନା ରାଜ୍ୟ ସରକାର ଓ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଧନ୍ୟବାଦ ଜଣାଇଛନ୍ତି  ।