ସ୍ପେନରୁ ବାହାରିଲା C-295, ପରାକ୍ରମ ଦେଖାଇବ ଭାରତୀୟ ବାୟୂସେନା

ନନ୍ଦିଘୋଷ ବ୍ୟୁରୋ: ପରାକ୍ରମ ଦେଖାଇବା c-295 ବିମାନ । ଶନିବାର ସ୍ପେନରୁ ଭାରତ ଅଭିମୁଖେ ଉଡ଼ାନ ଭରିଛି c-295 । ଏହି ବିମାନକୁ ଗ୍ରୁପ୍ କ୍ୟାପଟେନ୍ ପିଏମ ନେଗି ନେଇ ଆସୁଛନ୍ତି । କିଛିଦିନ ମଧ୍ୟରେ ଏହା ଭାରତରେ ପହଞ୍ଚିବାକୁ ଥିବାବେଳେ ତିନୋଟି ଷ୍ଟପେଜରେ ରହିବ । ମାଲ୍ଟା, ମିଶ୍ର ଏବଂ ବହରିନରେ ଅଟକିବା ପରେ ଭାରତରେ ପହଞ୍ଚିବ ବୋଲି ସୂଚନା ମିଳିଛି ।

ସେପ୍ଟେମ୍ବର ୧୩ ତାରିଖରେ ଏୟାରଚିଫ୍ ମାର୍ଶଲ ବି ଆାର ଚୌଧୁରୀ ରିସିଭ୍ କରିଛନ୍ତି । ଏହି ଏୟାରବସ୍ ବାୟୂସେନାର ଶକ୍ତି ବଢ଼ାଇବ । ଭାରତୀୟ ବାୟୂ ସେନାର ଜଣେ ବରିଷ୍ଠ ଅଧିକାରୀ କହିଛନ୍ତି କି, ଏହା କେବଳ ବାୟୂସେନାର ଶକ୍ତି ବଢ଼ାିବନି ବରଂ ଦେଶର ଟେକ୍ନିକାଲ କ୍ଷମତା ମଧ୍ୟ ବୃଦ୍ଧି ପାଇବ । ଏହା ଆତ୍ମନିର୍ଭର ଭାରତର ପରିଚୟ ଦେବ । ଗତବର୍ଷ ସେପ୍ଟେମ୍ବର ମାସରେ ଭାରତୀୟ ବାୟୂ ସେନାରୁ ପୁରୁଣା ଏବରୋ-୭୪୮ ବିମାନକୁ ବଦଳାଇ ୫୬-ସି- ୨୯୫ କିଣିବା ପାଇଁ ଏୟାରବେସ ଡିଫେନ୍ସ ଏବଂ ସ୍ପେସ ସହ ୨୧,୦୦୦ କୋଟି ଟଙ୍କାର ଚୁକ୍ତି କରିଛି ।

ଏହି ଚକ୍ତିନାମା ଅନୁଯାୟୀ, ଏୟାରବସ ୪ ବର୍ଷ ମଧ୍ୟରେ ସ୍ପେନରୁ ଭାରତକୁ ଫ୍ଲଏାଏ ଓ୍ବେ ପ୍ରଥମ ୧୬ ବିମାନ ବିତରଣ କରିବ । ଯଦି C295 ବିମାନ ସମ୍ପର୍କରେ କହିବା ତାହେଲେ ଏହା ୨୬୦ କିଲୋମିଟର ବେଗରେ ଗତି କରିବା ସହ ୯ ଟନ ପେଲୋଡ ଏବଂ ୭୧ ଜଣ ସୌନିକଙ୍କୁ ନେଇ ଯିବାର ସକ୍ଷମ ରହିଛି । ହେଲିକପ୍ଟର ଏୟାର ଟୁ ଏୟାର ରିଫିଲିଙ୍ଗ ସକ୍ଷମ ରହିଛି । ବାୟୂ ସେନାର ଆବଶ୍ୟକତା ଅନୁଯାୟୀ ସ୍ବଳ୍ପ ରନଓ୍ବେରେ ମଧ୍ୟ ଏହା ଅବତରଣ ଏବଂ ଉଡ଼ାଣ କରିବ ପାରିବ । ଏହି ବିମାନ ବାୟୂସେନାରେ ସାମିଲ ହେଲେ ଶକ୍ତି ବଢ଼ିବ ।

ତେବେ ଯଦି ଏହି ବିମାନର ଗତି ସମ୍ପର୍କରେ କହିବା ତାହେଲେ ଏହା ଘଣ୍ଟା ପ୍ରତି ୪୮୦ କିଲୋମିଟର ବେଗରେ ୧୧ ଘଣ୍ଟା ପ୍ରତି ନିରନ୍ତରରେ ଉଡ଼ିପାରେ । ବିମାନ ଉଡ଼ାଣ ପାଇଁ ୬୭୦ ମିଟର ରନଓ୍ବେ ଏବଂ ଅବତରଣ ପାଇଁ ମାତ୍ର ୩୨୦ ମିଟର ଆବଶ୍ୟକ ।