କାଷ୍ଟିଂ କାଉଚ ମାମଲାରେ ଅଭିନେତା ପପୁ ପମ୍ପମ୍ଙ୍କୁ ହାଇକୋର୍ଟଙ୍କ କ୍ଳିନ୍ଚିଟ୍
କଟକ: କାଷ୍ଟିଂ କାଉଚ ମାମଲା, ଅଭିନେତା ପପୁ ପମପମ୍ଙ୍କୁ କ୍ଲିନଚିଟ୍ । ୨୦୧୬ରେ ପପୁଙ୍କ ନାଁରେ କାଷ୍ଟିଂ କାଉଚ୍ ମାମଲା ଦାୟର କରିଥିଲେ ନାବାଳିକା । ପପୁଙ୍କ ସହଯୋଗୀ ଗିଟୁ ମଧ୍ୟ ନିର୍ଦ୍ଦୋଷ ସାବ୍ୟସ୍ତ । ୨୦୧୬ ଜୁନ୍ ୨୨ରେ ମାମଲା ରୁଜୁ ହୋଇଥିଲା । ଜଗନ୍ନାଥବିହାର ସ୍ଥିତ ଘରୁ ଫେରାର ଥିଲେ ପପୁ । ୩୦ଜୁନ୍ରେ ପୁରୀର ଆପାର୍ଟମେଣ୍ଟରୁ ହୋଇଥିଲେ ଗିରଫ । ଅଗଷ୍ଟ ୧୦ରୁ ବେଲ୍ରେ ଥିଲେ ପପୁ ପମପମ୍ ।
ପପୁ ପମ୍ପମ୍ ୨୦୧୬ ମସିହାରେ ନିଜ କ୍ୟାରିଅର୍ର ପିକ୍ରେ ଥିବା ବେଳେ ତାଙ୍କ ନାମରେ ଆସିଥିଲା ଏହି ସାଂଘାତିକ ଅଭିଯୋଗ । ଫିଲ୍ମରେ ଏଣ୍ଟ୍ରି କରାଇଦେବାକୁ କହି ପପୁ ପମ୍ପମ୍ ଦୁଷ୍କର୍ମ କରିଥିବା ଅଭିଯୋଗ ଆଣିଥିଲେ ନାବାଳିକା। ଏହି ଘଟଣା ସମଗ୍ର ରାଜ୍ୟରେ ଚର୍ଚ୍ଚାର ବିଷୟ ପାଲଟିଥିଲା। ଏପରି ଅଭିଯୋଗ ଆସିବା ପରେ ଫେରାର ହୋଇଯାଇଥିବା ପପୁ ପମ୍ପମ୍ଙ୍କ ସମେତ ତାଙ୍କ ସହଯୋଗୀ ଦୀପୁଙ୍କୁ ପୁରୀ ଜିଲ୍ଲା ନିମାପଡ଼ାରୁ ଗିରଫ କରିଥିଲା ପୁଲିସ୍। ଏହାପରେ ସେ ଜାମିନରେ ବାହାରିଥିଲେ।
ପୀଡ଼ିତା ଜଣକ ନାବାଳିକା ହୋଇଥିବାରୁ ପୋସ୍କୋ କୋର୍ଟରେ ଏହାର ଶୁଣାଣି ଚାଲିଥିଲା। ଦୀର୍ଘ ୬ ବର୍ଷ ପରେ ଏହି ମାମଲାରେ ନିର୍ଦ୍ଦୋଷ ସାବ୍ୟସ୍ତ ହୋଇଛନ୍ତି ପପୁ ପମପମ୍ ।
ଏଥିସହିତ ପଢ଼ନ୍ତୁ: ଆଫଗାନିସ୍ତାରେ ପଶି ଅଲ୍କାଏଦା ମୁଖ୍ୟକୁ ନିପାତ କଲା ଆମେରିକା
