ନୂଆଦିଲ୍ଲୀ: ସୁଶାନ୍ତ ସିଂହ ରାଜପୁତ ମାମଲାରେ ସିବିଆଇ ତଦନ୍ତ ଲାଗି ବିହାର ସରକାରଙ୍କ ସୁପାରିଶକୁ କେନ୍ଦ୍ର ଗ୍ରହଣ କରିଛି । ସୋମବାର ବିହାର ସରକାର ଏହି ମାମଲାର ସିବିଆଇ ତଦନ୍ତ ପାଇଁ ସୁପାରିଶ ପଠାଇଥିଲେ । ବୁଧବାର ଦିନ ଏହି ମାମଲାରେ ସିବିଆଇ ତଦନ୍ତ ପାଇଁ ଏକ ଆବେଦନ ସୁପ୍ରିମକୋର୍ଟରେ ଶୁଣାଣି ହୋଇଥିଲା, ଯେଉଁଥିରେ ସଲିସିଟର ଜେନେରାଲ ତୁଷାର ମେହେତା ମଧ୍ୟ କେନ୍ଦ୍ର ପକ୍ଷରୁ ଉପସ୍ଥିତ ଥିଲେ। SG କହିଛନ୍ତି ଯେ ବିହାରର ସିବିଆଇ ତଦନ୍ତର ସୁପାରିଶକୁ କେନ୍ଦ୍ର ଗ୍ରହଣ କରିଛି ଏବଂ ମାମଲା ସିବିଆଇକୁ ହସ୍ତାନ୍ତର କରାଯାଇଛି ।
Centre informs SC Bihar government's recommendation for CBI probe into death case of actor Sushant Singh Rajput has been accepted
— Press Trust of India (@PTI_News) August 5, 2020
ଶୁଣାଣି କାଳରେ ସୁଶାନ୍ତଙ୍କ ପିତାଙ୍କ ଓକିଲ ମୁମ୍ବାଇ ପୋଲିସ ବିରୋଧରେ ଗୁରୁତର ଅଭିଯୋଗ ଆଣିଥିଲେ । ମୁମ୍ବାଇ ପୋଲିସ ପ୍ରମାଣକୁ ନଷ୍ଟ କରୁଥିବା ଅଭିଯୋଗ ଉତ୍ତରରେ ମହାରାଷ୍ଟ୍ର ସରକାରଙ୍କ ଓକିଲ ବିହାର ପୋଲିସର ଏହି ମାମଲା ତଦନ୍ତ ଅଧିକାର ନାହିଁ ବୋଲି କହିଥିଲେ । ଶୁଣାଣି କରୁଥିବା ବିଚାରପତି କହିଥିଲେ ଯେ, ଯେହେତୁ ମାମଲାକୁ ବିହାର ସରକାର ନିଜ ତରଫରୁ ସିବିଆଇକୁ ହସ୍ତାନ୍ତର କରିଛନ୍ତି ତେଣୁ ସବୁ ପକ୍ଷ ଏଥିରେ ସହଯୋଗ କରନ୍ତୁ ।
