ନନ୍ଦିଘୋଷ ବ୍ୟୁରୋ: ଟିମ ଇଣ୍ଡିଆର ସ୍ପିନର ୟୁଜବେନ୍ଦ୍ର ଚହଲ ଏବଂ ପତ୍ନୀ ଧନଶ୍ରୀ ବର୍ମାଙ୍କ ଛାଡ଼ପତ୍ର ମାମଲା ଏବେ କୋର୍ଟରେ ବିଚରାଧିନ ରହିଛି । ତେବେ ଉଭୟଙ୍କୁ ଗଣମାଧ୍ୟମରେ ବିଭିନ୍ନ ଚର୍ଚ୍ଚା ହେଉଥିବାବେଳେ ସମସ୍ତଙ୍କ ମନରେ ଗୋଟିଏ ପ୍ରଶ୍ନ କି କେବେ ଫାଇନାଲ ଶୁଣାଣି କରିବେ କୋର୍ଟ । ତେବେ ଏହି ପ୍ରଶ୍ନ ମଧ୍ୟରେ ସାମ୍ନାକୁ ଆସିଛି ବଡ଼ ଖବର । ଆସନ୍ତାକାଲି ଅର୍ଥାତ ମାର୍ଚ୍ଚ ୨୦ରେ ଚହଲ-ଧନଶ୍ରୀଙ୍କ ମାମଲାର ଶୁଣାଣି କରିବାକୁ ବମ୍ବେ ହାଇକୋର୍ଟ ନିର୍ଦ୍ଦେଶ ଦେଇଛନ୍ତି । ସେ ଛାଡପତ୍ର ଉପରେ ଚୂଡ଼ାନ୍ତ ନିଷ୍ପତ୍ତି ଦେବାକୁ ବାନ୍ଦ୍ରା ପରିବାର କୋର୍ଟକୁ ଅନୁରୋଧ କରିଛନ୍ତି। ହାଇକୋର୍ଟ ୬ ମାସର କୁଲିଂ ଅଫ୍ ପିରିୟଡ୍ ମଧ୍ୟ ଛାଡ଼ କରିଛନ୍ତି। ଏଥିପାଇଁ ଉଭୟ ପାରସ୍ପରିକ ସମ୍ମତିରେ ଏକ ଆବେଦନ ଦାଖଲ କରିଥିଲେ। ପ୍ରକୃତରେ, ଛାଡପତ୍ର ପାଇଁ ପାରସ୍ପରିକ ଆବେଦନ ଦାଖଲ କରିବା ପରେ, ପୁନଃମିଳନ ଏବଂ ପୁନଃମିଳନ ପାଇଁ ଛଅ ମାସ ସମୟ ଦିଆଯାଏ। କିନ୍ତୁ ଯେତେବେଳେ ଏପରି କୌଣସି ସମ୍ଭାବନା ଦେଖାଯାଏ ନାହିଁ, ସେତେବେଳେ କୋର୍ଟ ଏହାକୁ ଛାଡ଼ କରିପାରିବେ।
ତେବେ କୁହାଯାଉଛି କି, ଅଢ଼େଇ ବର୍ଷ ହେବ ଚହଲ ଏବଂ ଧନଶ୍ରୀ ଅଲଗା ରହୁଛନ୍ତି । ସେମାନେ ନିଜ ନିଜର ବାଟ ଆପଣାଇଥିବାବେଳେ ସେମାନ ଗତ ଫେବୃଆରୀ ୫ ତାରିଖରେ ଉଭୟଙ୍କ ସମ୍ମତିକ୍ରମେ ଛାଡ଼ପତ୍ର ପାଇଁ ଆବେଦନ କରିଛନ୍ତି । ସେପଟେ ଭରଣପୋଷଣ ବାବଦକୁ ଚହଲ ଧନଶ୍ରୀଙ୍କୁ ୪ କୋଟି ୭୫ ଲକ୍ଷ ଟଙ୍କା ଦେବେ ବୋଲି ଚୁକ୍ତିନାମା ହୋଇଛି । ଯେଉଁଥିରୁ ଚହଲ ୨. ୩୭ କୋଟି ଟଙ୍କା ଦେଇ ସାରିଛନ୍ତି । କହି ରଖୁଛୁ କି, ନିକଟରେ ଚାମ୍ପିୟନ୍ସ ଟ୍ରଫି ଫାଇନାଲ ମ୍ୟାଚ ସମୟରେ ଚହଲ ଜଣେ ଯୁବତୀଙ୍କ ସହ ନଜର ଆସିଥିଲେ । ଯାହାକୁ ନେଇ ସୋସିଆଲ ମିଡିଆରେ ବିଭିନ୍ନ ଟ୍ରୋଲ ମଧ୍ୟ କରାଯାଇଥିଲା ।
