ଜ୍ୟୋତିଷ ବେଶରେ ଯୌନ ରାକ୍ଷସ: ସନ୍ତାନ ପ୍ରାପ୍ତିର ଲୋଭ ଦେଖାଇ ମହିଳାଙ୍କୁ ଦୁଷ୍କର୍ମ ଅଭିଯୋଗ

ଭୁବନେଶ୍ବର: ବାବା ବେଶରେ ଯୌନ ରାକ୍ଷସ । ନିସନ୍ତାଙ୍କୁ ସନ୍ତା ପ୍ରାପ୍ତିର ଆଶା ଦେଖାଇ ମହିଳାଙ୍କୁ କରୁଥିଲା ଯୌନ ଶୋଷଣ । ଅଭିଯୋଗ ପରେ ଭଦ୍ରକରୁ ଉଠାଇ ଆଣିଲା କମିଶନରେଟ୍ ପୋଲିସ ।

ଅଭିଯୋଗ ଅନୁଯାୟୀ, ଠକ ଜଣଙ୍କ ସୋସିଆଲ ମିଡିଆରେ ଭିଡିଓ ଅପଲୋଡ କରି ନିଜକୁ ଜ୍ୟୋତିଷ ବୋଲି ପରିଚୟ ଦେଇଥିଲା । ନିସନ୍ତାନ ସନ୍ତାନ ପ୍ରାପ୍ତି, ଗରିବ ଧନୀ ହେବା ପରି ପ୍ରଲୋଭନ ଦେଖାଇ ମହିଳାଙ୍କୁ ନିଜ ଜାଲରେ ଫସାଉଥିଲା । ବିଶେଷ କରି ସାଂସାରୀକ ଜଞ୍ଜାଳରେ ଥିବା ମହିଳାମାନେ ଠକ ଜାଲରେ ଫସି ଯାଇଥିଲେ । ଆଉ ଏହାର ସୁଯୋଗ ନେଇ ଠକ ଜଣଙ୍କ ମହିଳାଙ୍କ ସହ ଯୌନ ନିର୍ଯାତନା ଦେଉଥିଲେ । ଏପରି ଏକ ଅଭିଯୋଗ କମିଶନରେଟରେ ପୋଲିସ ପାଖରେ ହୋଇଥିଲା । ମହିଳାଙ୍କ ଅଭିଯୋଗ ଅନୁସାରେ, ଠକ ଜଣଙ୍କ ମହିଳାଙ୍କୁ ସନ୍ତାନ ପ୍ରାପ୍ତିର ଆଶା ଦେଖାଇଥିଲେ । ଏହାପରେ ଏକ ଘରକୁ ନେଇ କବାଟ ବନ୍ଦ କରିବା ପରେ ଏକ ଲବଙ୍ଗ ପାଟିରେ ଜାକିବାକୁ କହି ଦୁଷ୍କର୍ମ କରିଥିଲେ । ଅଭିଯୋଗ ପାଇବା ପରେ କମିଶନରେଟ ପୋଲିସ ଠକ ଜ୍ୟୋତିଷକୁ ଭଦ୍ରକରୁ ଉଠାଇ ଉଠାଇ ଆଣିଛି ।

ଠକ ଜଣଙ୍କ ଶତାଧିକ ମହିଳାଙ୍କୁ ଚୂନ ଲଗାଇବା ସହ ଏକାଧିକଙ୍କୁ ଶାରୀରିକ ନିର୍ଯାତନା ଦେଇଥିବା କମିଶନରେଟ ପୋଲିସ ଜାଣିବାକୁ ପାଇଛି । ଯଦି କୌଣସି ମହିଳା ଏଭଳି ଠକେଇର ଶିକାର ହୋଇଥିବେ ତେବେ ନିକଟସ୍ଥ ଥାନାରେ ଅଭିଯୋଗ କରିବାକୁ କମିଶନରେଟ୍ ପୋଲିସ ସୂଚନା ଦେଇଛି ।