ଡିବିରି ଠିପି ନେଲା ଶିଶୁ ଜୀବନ

ସୋର: ମୃତ୍ୟୁ କେତେ ବେଳେ କେଉଁ ରୂପରେ ଆସେ ତାହା କାହାକୁ ଜଣାନାହିଁ । ହଠାତ ସବୁକିଛି ଓଲଟପାଲଟ ହୋଇଯାଏ । ମୃତ୍ୟୁ ଦେଖେନି ବୟସ । ଯାହାର ଯେତେବେଳେ ସମୟ ଆସେ ତାକୁ ନିଶ୍ଚିତ ଯିବାକୁ ପଡ଼ିଥାଏ । ଏହି ଯେମିତି ବାଲେଶ୍ବର ଜିଲ୍ଲା ସୋର ଅଞ୍ଚଳରେ ଏକ ନିଷ୍ପାପ ଶିଶୁର ଜୀବନ ଚାଲି ଯାଇଛି । ତାହା ପୁଣି ଡିବିରି ବତୀ ଠିପି କାରଣରୁ ।

ଘଟଣା ସୋର ବ୍ଲକ ତେନ୍ତୁଳିଗଛ ଗାଁର । ଗୁରା ପୁଥାଳଙ୍କ ଦେଢ ବର୍ଷର ପୁଅ ସବୁଦିନ ପରି ଆଜି ବି ଘରେ ଖେଳୁଥିଲା । ଏହି ସମୟରେ ଡିବିରି ବତୀ ଖୋଲି ଠିପି ଢୋକି ଦେଇଥିଲେ । ପରିବାର ଲୋକେ ଏହା ଦେଖି ସଙ୍ଗେ ସଙ୍ଗେ ତାଙ୍କୁ ସୋର ଡାକ୍ତରଖାନାରେ ଭର୍ତ୍ତି କରିଥିଲେ । ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଥିଲେ ।