ପୁଣି ସାମ୍ନାକୁ ଆସିଲା ଫେଭର ଘଟଣା ; ଅଭିଯୁକ୍ତ ନାଁରେ ମାମଲା ରୁଜୁ

ଜଗତସିଂହପୁର: ପୁଣି ସାମ୍ନାକୁ ଆସିଲା ଫେଭର ଘଟଣା। ଜଗତସିଂହପୁର ଜିଲ୍ଲା ଶିଶୁ ମଙ୍ଗଳ କମିଟି କାର୍ଯ୍ୟାଳୟର ସଭ୍ୟ ବିବେକାନନ୍ଦ ବଳଙ୍କ ନାଁରେ ସାଙ୍ଘାତିକ ଅଭିଯୋଗ ହୋଇଛି । ସେହି କାର୍ଯ୍ୟାଳୟର ସାମାଜିକ କୋଡ଼ିନେଟର ଯୁବତୀଙ୍କୁ ଫେଭର ମାଗିବା ସହିତ ଅସଦାଚରଣ କରିଥିବା ଖବର ସାମ୍ନାକୁ ଆସିଛି । ଏନେଇ ପୀଡ଼ିତା ଜଗତସିଂହପୁର ଥାନାରେ ଅଭିଯୋଗ କରିଛନ୍ତି । ପୋଲିସ ପକ୍ଷରୁ ତଦନ୍ତ କରାଯାଇ ଏକ ମାମଲା ରୁଜୁ ପରେ ଥାନାରେ ପୀଡ଼ିତାଙ୍କ ବୟାନ ରେକର୍ଡ ସହ ଡ଼ାକ୍ତରୀ ମାଇନା କରାଯାଇଛି ।

ସେପଟେ ପୀଡିତାଙ୍କୁ ଉପଯୁକ୍ତ ନ୍ୟାୟ ନମିଳିଲେ ରାଜରାସ୍ତାକୁ ଓହ୍ଲାଇବାକୁ ଚେତାବନୀ ଦିଆଯାଇଛି । ଜଗତସିଂହପୁର ଜିଲ୍ଲା ଦଳିତ ବିକାଶ ପରିଷଦ ସଭାପତି ଶଙ୍କର ଦାସ ଜିଲ୍ଲା ଶିଶୁ ସୁରକ୍ଷା ସମିତି କାର୍ଯ୍ୟାଳୟରୁ ଆଲୋଚନା କରି ଫେରିବା ପରେ ଏଭଳି ଚେତାବନୀ ଦେଇଛନ୍ତି। ସେପଟେ ଅଭିଯୁକ୍ତ ଶିଶୁ ମଙ୍ଗଳ କମିଟିର ସଭ୍ୟ ବିବେକାନନ୍ଦ ବଳଙ୍କୁ ମେଡ଼ିକାଲ ପରୀକ୍ଷା କରାଯାଇଛି।