ନୂଆଦିଲ୍ଲୀ: ସିଏଏ ବିରୋଧରେ ସାରା ଦେଶରେ ବିରୋଧ ପ୍ରଦର୍ଶନକୁ ନେଇ ସୁପ୍ରିମକୋର୍ଟ ଚିନ୍ତା ପ୍ରକଟ କରିଛନ୍ତି । ପ୍ରଧାନ ବିଚାରପତି ଶରଦ ଅରବିନ୍ଦ ବୋବଡେ କହିଛନ୍ତି ଯେ, ଦେଶ ସମ୍ପ୍ରତି ସଙ୍କଟ ସ୍ଥିତି ଦେଇ ଗତି କରୁଛି। ଏପରି ସ୍ଥିତିରେ ସିଏଏ ପାଇଁ ଚିନ୍ତା ନକରି ଶାନ୍ତି ଉପରେ ଗୁରୁତ୍ୱ ଦିଆଯିବାର ଆବଶ୍ୟକତା ରହିଛି। ହିଂସା ବନ୍ଦ ହୋଇ ଦେଶରେ ଶାନ୍ତି ଆସିବା ପରେ ହିଁ ସିଏଏ ଉପରେ ବିଚାର କରାଯିବ ।
ସୂଚନା ଅନୁଯାୟୀ, ନାଗରିକତ୍ୱ ସଂଶୋଧନ ଆଇନ(ସିଏଏ) ନେଇ ସୁପ୍ରିମକୋର୍ଟରେ ଆବେଦନ ଦାଖଲ କରାଯାଇଥିଲା । ସିଏଏକୁ ସାମ୍ବିଧାନିକ ଘୋଷଣା କରିବାକୁ ଦାବି କରାଯାଇଥିଲା ।
ଏହାକୁ ନେଇ ପ୍ରଧାନବିଚାର କହିଛନ୍ତି ଯେ ପ୍ରଥମେ ଦେଶରେ ଚାଲିଥିବା ହିଂସାକୁ ରୋକାଯିବା ସହ ଶାନ୍ତି ବଜାୟ ପରେ ଏଭଳି ୟାଚିକା ଉପରେ ଶୁଣାଣି କରାଯାଇପାରିବ ।
