ଏସିଏଫ୍ ସୌମ୍ୟଙ୍କ ମୃତ୍ୟୁ ଘଟଣାରେ ଡିଏଫ୍ଓଙ୍କୁ କ୍ଲିନ୍ ଚିଟ୍
1 min read
ସୋର: ବହୁର୍ଚ୍ଚିତ ସୌମ୍ୟରଞ୍ଜନଙ୍କ ମୃତ୍ୟୁ ମାମଲା ଏବେ ଜଟିଳରୁ ଜଟିଳ ହେବାରେ ଲାଗିଛି। ଦିନ ଗଡ଼ିଚାଲିଥିଲେ ମଧ୍ୟ କୌଣସି ସୁରାଗ ଖୋଜି ପାଉନି ପୋଲିସ। ଏହାରିଭିତରେ ମୃତ୍ୟୁ ମାମଲାରେ ଚର୍ଚ୍ଚାକୁ ଆସିଥିବା DFOଙ୍କୁ ମିଳିଛି କ୍ଲିନ୍ ଚିଟ୍। ଡିଏଫଓଙ୍କର କୌଣସି ସଂପୃକ୍ତି ନାହିଁ ବୋଲି ଗଜପତି ଏସପି ତପନ କୁମାର ପଟ୍ଟନାୟକ କହିଛନ୍ତି। ଆଜି ଡିଏଫଓ ସଂଗ୍ରାମ କେଶରୀ ବେହେରାଙ୍କ ସହ ମୋଟ୍ ୮ଜଣଙ୍କୁ ପଚରାଉଚରା କରାଯାଇଛି। ଜେରା ବେଳେ ବିଦ୍ୟାଭାରତୀଙ୍କୁ ଜାଣିନଥିବା କହିଥିଲେ ଡିଏଫଓ। ପୂର୍ବରୁ ସେ କେବେ ଦିଦ୍ୟାଙ୍କୁ ଭେଟିନଥିଲେ। ଘଟଣା ଦିନ ହିଁ ସେ ପ୍ରଥମ କରି ବିଦ୍ୟାଙ୍କୁ ଦେଖିଥିବା କହିଥିଲେ। ଏଥିସହ ତାଙ୍କ ସହ ସଂପର୍କକୁ ଅସ୍ୱୀକାର କରିଥିଲେ ଡିଏଫଓ। ତେବେ ତଦନ୍ତ ପ୍ରକ୍ରିୟା ଜାରି ରହିବ ବୋଲି ଗଜପତି ଏସ୍ପି କହିଛନ୍ତି।
