ନନ୍ଦିଘୋଷ ବ୍ୟୁରୋ : ମୁଖ୍ୟମନ୍ତ୍ରୀଙ୍କ ଅଭିଯୋଗ ପ୍ରକୋଷ୍ଠରେ ଶୁଣାଣି ହେଉଛି, ହେଲେ ସମାଧାନ ହେଉନାହିଁ। ଲୋକଙ୍କ ଅଭିଯୋଗ ସମାଧାନ ନହେବାରୁ ଅସନ୍ତୋଷ ବଢିବାରେ ଲାଗିଛି। ଗୋଟିଏ ଅଭିଯୋଗ ନେଇ ବାରମ୍ବାର ଦୌଡୁଥିଲେ ମଧ୍ୟ ସମାଧାନର ବାଟ ବାହାରୁନାହିଁ। ଅନ୍ୟପଟେ ୧୦୮ ଆମ୍ବୁଲାନ୍ସ କର୍ମଚାରୀଙ୍କ କ୍ଷୋଭ, ସରକାର ତାଙ୍କ କଥା ଶୁଣୁନାହାନ୍ତି। ବାରମ୍ବାର ଅଭିଯୋଗ କଲା ପରେବି କାମ କିଛି ହେଉନାହିଁ। ଗଞ୍ଜାମ ଜିଲ୍ଲା ଢୁଙ୍କାପଡ଼ା ପଞ୍ଚାୟତ ସାରା ଦେଶରେ ଆଦର୍ଶ ପଞ୍ଚାୟତର ମାନ୍ୟତା ପାଇଥିଲା। ଜଳସେଚନ, କିର୍ତ୍ତୀରାଜିର ରକ୍ଷଣାବେକ୍ଷଣ, ପରିବେଶ ସୁରକ୍ଷା ପାଇଁ ଶ୍ରେଷ୍ଠ ସରପଞ୍ଚ ଭାବେ ପୁରସ୍କୃତ ହୋଇଥିଲେ ଆରତୀ ଦେବୀ। ହେଲେ ପଞ୍ଚାୟତର ବିକାଶ ପାଇଁ ଏବେ ମୁଖ୍ୟମନ୍ତ୍ରୀଙ୍କୁ ଦେଇଛନ୍ତି ସ୍ମାରକପତ୍ର।ପୂର୍ବରୁ ସମସ୍ଯାର ସମାଧାନ ନେଇ ଜିଲ୍ଲାପାଳ ଅବଗତ ଥିଲେ ବି ଏପର୍ଯ୍ୟନ୍ତ କୌଣସି ପ୍ରତିବିଧାନ ହୋଇନଥିବା ଆରତୀ ଅଭିଯୋଗ କରିଛନ୍ତି ।
ଅଭିଯୋଗର ସମାଧାନ ହେଉଛି ବୋଲି ସରକାର କହୁଥିବାବେଳ ବାସ୍ତବତା ଭିନ୍ନ। ଅଭିଯୋଗ ପ୍ରକୋଷ୍ଠକୁ ରାଜ୍ୟର ବିଭିନ୍ନ ଜିଲ୍ଲାରୁ ଲୋକମାନେ ଆସୁଛନ୍ତି ନ୍ୟାୟ ପାଇବା ଆଶାରେ। ହେଲେ ଅନେକ ହତାଶ ହୋଇ ଫେରୁଥିବା ଦେଖିବାକୁ ମିଳିଛି। ଏପଟେ ପରିବହନ ମନ୍ତ୍ରୀ କହିଛନ୍ତି, ୯୧ ପ୍ରତିଶତ ଅଭିଯୋଗର ସମାଧାନ ହୋଇଛି। ଚିକିତ୍ସା ପାଇଁ ୪୮ଜଣଙ୍କୁ ୫୩ଲକ୍ଷରୁ ଉର୍ଦ୍ଧ୍ବ ଟଙ୍କାର ସହାୟତା ଦିଆଯାଇଛି। ଆଗକୁ ଭୁବନେଶ୍ବର ସମେତ ରାଜ୍ୟର ବିଭିନ୍ନ ଜାଗାରେ ବି ଶୁଣାଣି ହେବ।
