ଆହୁରି ଶକ୍ତିଶାଳୀ ହେଲା ଉପକୂଳ ଓଡ଼ିଶା : ଭାରତୀୟ ତଟରକ୍ଷୀ ବାହିନୀରେ ସାମିଲ ହେଲା ଶକ୍ତିଶାଳୀ ଜାହାଜ

ନନ୍ଦିଘୋଷ ବ୍ୟୁରୋ : ଆହୁରି ଶକ୍ତିଶାଳୀ ହେଲା ଉପକୂଳ ଓଡ଼ିଶା । ଭାରତୀୟ ତଟରକ୍ଷୀ ବାହିନୀରେ ସାମିଲ ହେଲା ଦୃତଗାମୀ ଓ ଶକ୍ତିଶାଳୀ ଜାହାଜ ICGS ଅଦମ୍ୟ । ଉପକୂଳରେ ଅନୁପ୍ରବେଶକୁ ରୋକିବା ସହିତ ପ୍ରାକୃତିକ ବିପର୍ଯ୍ୟୟ ସମୟରେ ଲୋକଙ୍କୁ ଯୋଗାଇବ ସାହାଯ୍ୟ । ଯାହା ଭାରତୀୟ ତଟରକ୍ଷୀ ବାହିନୀର କାର୍ଯ୍ୟ ଦକ୍ଷତା କୁ ଆହୁରି ବୃଦ୍ଧି କରିଛି ।

ଶକ୍ତିଶାଳୀ ହେଲା ଭାରତୀୟ ତଟରକ୍ଷୀ ବାହିନୀ । ତଟରକ୍ଷାରେ ସାମିଲ ହେଲା ICGS ଅଦମ୍ୟ । ଓଡ଼ିଶାର ଉପକୂଳରେ ଅନୁପ୍ରବେଶ ଓ ଶତ୍ରୁଙ୍କ କରିବ ଦମନ । ପ୍ରାକୃତିକ ବିପର୍ଯ୍ଯୟ ସମୟରେ ଉପକୂଳବାସୀଙ୍କୁ ହେବ ସହାୟ । ଭାରତୀୟ ତଟରକ୍ଷୀ ବାହିନୀର ଶକ୍ତି ବୃଦ୍ଧି କରିଛି ICGS ଅଦମ୍ୟ । ଏଥିରେ ଦୁଇଟି ଶକ୍ତିଶାଳୀ ଇଞ୍ଜିନ ସହିତ ସମୁଦ୍ରରେ ଦୃତ ଗତିରେ ଯିବା ଆସିବା କରିବାର କ୍ଷମତା ରହିଛି । ୫୧ ମିଟର ଲମ୍ବର ଏହି ଜାହାଜ ୬୦ ପ୍ରତିଶତ ଆତ୍ମନିର୍ଭର ଭାରତ ଅଧିନରେ ଗୋଆରେ ତିଆରି କରାଯାଇଛି । ଏଥିରେ ଅତ୍ୟାଧୁନିକ ଅସ୍ତ୍ରଶସ୍ତ୍ର, ଗୋଟିଏ ୩ ଏମଏମ CRN-91 ବନ୍ଧୁକ, ଦୁଇଟି ୧୨.୭ ଏମ୍ ଏମ୍ ବନ୍ଧୁକ, ରିମୋଟ କଣ୍ଟ୍ରୋଲ ମେସିନ ଗନ୍, ସ୍ବୟଂ ଚାଳିତ ଶକ୍ତି ପରିଚାଳନା ସିଷ୍ଟମ ମଧ୍ୟ ରହିଛି । ଏଥିରେ ୫ ଜଣ ଅଧିକାରୀ ଓ ୪୩ ଜଣ କର୍ମଚାରୀ ନିୟୋଜିତ ଅଛନ୍ତି । ଯାହା ଭାରତୀୟ ତଟରକ୍ଷୀ ବାହିନୀର କାର୍ଯ୍ୟ ଦକ୍ଷତାକୁ ଆହୁରି ବୃଦ୍ଧି କରିଛି ।

ଓଡ଼ିଶାର ୪୮୦ କିଲୋମିଟର ବ୍ୟାପୀ ଉପକୂଳବର୍ତ୍ତୀ ସମୁଦ୍ରରେ ପଇଁନ୍ତରା ମାରିବ ICGS ଅଦମ୍ୟ । ଓଡ଼ିଶା ଉପକୂଳରେ ଅନୁପ୍ରବେଶ ରୋକିବା ସହିତ ବାତ୍ୟା ଓ ଲଘୁଚାପ ଜନିତ ପ୍ରାକୃତିକ ବିପର୍ଯ୍ୟୟ ସମୟରେ ମତ୍ସ୍ୟଜୀବୀମାନଙ୍କୁ ସୁରକ୍ଷା ଦେବାରେ ହେବ ସହାୟକ । ଜାହାଜଟି ଭାରତୀୟ ତଟରକ୍ଷୀ ବାହିନୀର ପାରାଦ୍ଵୀପ ମୁଖ୍ୟାଳୟ ଅଧିନରେ କାର୍ଯ୍ୟ କରିବ । ଆଜି ଏହାର ଅବତରଣ କାର୍ଯ୍ୟକ୍ରମରେ ପ୍ରତିରକ୍ଷା ମନ୍ତ୍ରାଳୟ ର ଯୁଗ୍ମ ସଚିବ ସତ୍ୟଜିତ ମହାନ୍ତି ଯୋଗଦେଇଥିଲେ । କାର୍ଯ୍ୟକ୍ରମରେ ବିଭିନ୍ନ ବର୍ଗର ଲୋକ ସାମିଲ ହୋଇ ଏହି ଐତିହାସିକ ମୃହୁର୍ତ୍ତକୁ ଦେଖିବାର ସୁଯୋଗ ପାଇଥିଲେ ।