ଶୋଇଥିବା ବେଳେ ଯୁବକଙ୍କ ପ୍ୟାଣ୍ଟ ଭିତରେ ପଶିଗଲା ନାଗ ସାପ, ତା’ପରେ…

1 min read

ମିର୍ଜାପୁର: ଏବେ ବର୍ଷା ଋତୁ । ଦେଶର ଅଧିକାଂଶ ସ୍ଥାନରେ ବର୍ଷା ଲାଗି ରହିଛି । ଏମିତିରେ ବର୍ଷା ଦିନରେ ସାପ ବାହାରିବା ସାଧାରଣ ଘଟଣା । ଉତ୍ତରପ୍ରଦେଶରୁ ସାପକୁ ନେଇ ଆସିଛି ଆଶ୍ଚର୍ଯ୍ୟଜନକ ଘଟଣା । ଯୁପିର ମିର୍ଜାପୁରର ଏହି ଘଟଣା ଯେତିକି ଆଶ୍ଚର୍ଯ୍ୟଜନକ ସେତିକି ବିପଜ୍ଜନକ । ଯେଉଁଠି ଶୋଇଥିବା ବେଳେ ଜଣେ ଯୁବକଙ୍କ ପ୍ୟାଣ୍ଟ ଭିତରେ ଏକ ନାଗ ସାପ ପଶି ଯାଇଥିଲା । ଆଉ ସାପ ସହ ଯୁବକ ବିତାଇଥିଲେ ସାରା ରାତି । ଆତଙ୍କ ଭିତରେ ବିତିଥିଲ ୭ ଘଣ୍ଟା । ଟିକିଏ ହଲଚଲ୍ କି ଅସାବଧାନତା ଜୀବନ ମୃତ୍ୟୁର ରେଖା ଟାଣିଥାନ୍ତା । ସକାଳୁ ହେବାରୁ ସାପ ଧରାଳିଙ୍କୁ ଡାକିବା ପରେ ଯୁବକଙ୍କୁ ପ୍ୟାଣ୍ଟରୁ ସାପକୁ ବାହାର କରାଯାଇଥିଲା । ଏହି ସମୟରେ କୌଣସି ଅଘଟଣ ରୋକିବାକୁ ସେଠାରେ ପୋଲିସ ପ୍ରଶାସନ ସହ ଆମ୍ବୁଲାନ୍ସ ମଧ୍ୟ ରଖାଯାଇଥିଲା ।

Cobra Snake enters young man jeans pant while sleeping

ସାପ ସହ ସାରା ରାତି ଖୁଣ୍ଟିରେ ବିତିଲା

ଏ ଘଟଣା ଉତ୍ତରପ୍ରଦେଶ ଜମାଲପୁର ଥାନା ସିକନ୍ଦରପୁର ଗାଁର । ଏହି ଗାଁର ବିଦ୍ୟାଳୟରେ ସୌଭାଗ୍ୟା ଯୋଜନାରେ କାମ କରୁଥିବା ଶ୍ରମିକ ରୁହନ୍ତି । ସେମାନଙ୍କ ମଧ୍ୟରେ ଆହ୍ଲାବାଦର ଲବଲେଶ ମଧ୍ୟ ଥିଲେ । ଲୋକଙ୍କ ସୂଚନା ଅନୁଯାୟୀ ଶୋଇଥିବା ବେଳେ ରାତି ପ୍ରାୟ ୧୨ଟାରେ ଲବଲେଶଙ୍କ ପ୍ୟାଣ୍ଟରେ ନାଗ ସାପ ପଶି ଯାଇଥିଲା । ଯୁବକ ଜଣଙ୍କୁ ଏହି କଥା ଜଣା ପଡ଼ିବା ପରେ ତାଙ୍କ ଶରୀର ପୂରା ଥରି ଉଠିଥିଲା । କିନ୍ତୁ, ସେ ସାହସ ଓ ସତର୍କତାର ସହ ଧିରେ ଧିରେ ଉଠିଥିଲେ ଓ ବିଲ୍ଡିଂର ଖୁଣ୍ଟିକୁ ଧରି ରହିଥିଲେ ।

ପ୍ୟାଣ୍ଟରୁ କେମିତି ବାହାରିଲା ସାପ ?

ସାରା ରାତି ଅର୍ଥାତ୍ ୭ ଘଣ୍ଟା ସାପ ସହ ଯୁବକ ଜଣଙ୍କ ଖୁଣ୍ଟିକୁ ଧରି ରହିବା ପରେ ସମସ୍ତେ ଘଟଣା ଜାଣିଥିଲେ । ତା ପରେ ପୋଲିସ ଖବର ଦେଇଥିଲେ ସ୍ଥାନୀୟ ଲୋକ । ପୋଲିସ ସେଠାରେ ପହଞ୍ଚି ସାପ ଧରାଳିଙ୍କୁ ଡକାଇଥିଲା । ଏହି ସମୟରେ ଯୁବକଙ୍କୁ ଦେଖିବାକୁ ସେଠାରେ ପ୍ରବଳ ଲୋକଙ୍କ ଭିଡ଼ ମଧ୍ୟ ହୋଇଥିଲା । ପୋଲିସ ଆମ୍ବୁଲାନ୍ସ ଡାକିବା ସହ ଆରମ୍ଭ ହୋଇଥିଲା ଅପରେସନ୍ ସ୍ନେକ୍ । କିଛି ସମୟର ଚେଷ୍ଟା ପରେ ସାପ ଧରାଳି କୌଣସି ପ୍ରକାରେ ଯୁବକଙ୍କ ଜିନ୍ସ ପ୍ୟାଣ୍ଟରୁ ସାପଟିକୁ ବାହାର କରିଥିଲେ । ଆସ୍ତେ ଆସ୍ତେ ଜିନ୍ସକୁ କାଟିବା ପରେ ସାପଟିକୁ ବାହାର କରାଯାଇଥିଲା । ତେବେ, ଆଶ୍ୱସ୍ତିର କଥା ହେଉଛି ସାପଟି ଯୁବକଙ୍କୁ କୌଣସି କ୍ଷତି ପହଞ୍ଚାଇ ନାହିଁ ।

Opn Commnet Area

Leave a Reply

Your email address will not be published. Required fields are marked *

Close Bitnami banner