ଦାଦବଟିକୁ ନା କାର୍ଯ୍ୟକ୍ରମ: ପ୍ରଥମ ଦିନରେ ଟ୍ୱିନ୍ ସିଟିରୁ ଗିରଫ ହେଲେ ୧୧ ଜଣ…

ଭୁବନେଶ୍ୱର/କଟକ: ଦାଦବଟିକୁ ରୋକିବା ପାଇଁ କମିଶନରେଟ୍ ପୋଲିସ ଜୋରସୋରରେ ପ୍ରୟାସ ଆରମ୍ଭ କରିଛି । ଟୁଇନ୍ ସିଟିରେ ଆଉ ଚଳିବନି ଦାଦା ବଟି ଆଦାୟ । ଏଥିପାଇଁ କମିଶନରେଟ୍ ପୋଲିସ୍ ଅପରେସନ ଦାଦା ‘ବଟିକୁ ନା’ ନାମକ ଏକ କାର୍ଯ୍ୟକ୍ରମ ହାତକୁ ନେଇଛି । ତେବେ ଏହି କ୍ରମରେ ପ୍ରଥମ ଦିନରେ କମିଶନରେଟ୍ ପୋଲିସ ପକ୍ଷରୁ କାର୍ଯ୍ୟାନୁଷ୍ଠାନ ନିଆଯାଇଛି ।

ପ୍ରଥମ ଦିନରେ ଦାଦାବଟି ମାଗୁଥିବା ଅଭିଯୋଗରେ ୧୧ ଜଣକୁ ଗିରଫ କରାଯାଇଛି । ଭୁବନେଶ୍ୱରରେ ୮ ଓ କଟକରେ ୩ ଜଣଙ୍କୁ ପୋଲିସ ଗିରଫ କରିଛି । ବିଭିନ୍ନ ଥାନା ଓ ଆଣ୍ଟି ଏକ୍ସଷ୍ଟ୍ରର୍ସନ ଟାସ୍କ ଫୋର୍ସ ଏମାନଙ୍କୁ ଗିରଫ କରିଛି ।  ଗତକାଲି ପୋଲିସର ପ୍ରଥମ ଶିକାର ହୋଇଥିଲା ଗ୍ୟାଙ୍ଗଷ୍ଚର ରାଜା ଆଚାର୍ଯ୍ୟ ।  ସେହିଭଳି କମିଶନରେଟ୍ ପୋଲିସ୍ ଖୁବଶୀଘ୍ର ସ୍ୱତନ୍ତ୍ର ହେଲ୍ପ ଲାଇନ ନମ୍ବର ଜାରି କରାଯିବା ନେଇ ଘୋଷଣା କରିଛି ।