କ୍ରାଇମ ଗ୍ୟାଙ୍ଗକୁ ଧରିବାକୁ କମିଶନରେଟ୍ ପୋଲିସ ଗଠନ କଲା ସ୍ୱତନ୍ତ୍ର ଟିମ୍
ଭୁବନେଶ୍ୱର: ରାଜଧାନୀରେ ରାଜରାସ୍ତାରେ କ୍ରାଇମ୍ ଗ୍ୟାଙ୍ଗର ଆତଙ୍କରାଜ ଘଟଣା । ଆକ୍ସନ ମୋଡରେ କମିଶନରେଟ୍ ପୋଲିସ । ଯୁବକ ମାନଙ୍କୁ ଧରିବା ପାଇଁ ଗଠନ ହୋଇଛି ସ୍ୱତନ୍ତ୍ର ଟିମ୍ । ଟିମରେ ଅଛନ୍ତି ୨ ଜଣ ଏସିପିଙ୍କ ସମେତ ୨ ଜଣ ଆଇଆଇସି ଓ ୪ ଜଣ ଏସଆଇ । ଅଭିଯୁକ୍ତଙ୍କୁ ଧରିବାକୁ ବିଭିନ୍ନ ସ୍ଥାନରେ କମିଶନରେଟ୍ ପୋଲିସ ପକ୍ଷରୁ ଚଢ଼ାଉ କରାଯାଇଛି । ସୋସିଆଲ୍ ମିଡିଆରେ ରିଲ୍ ପାଇଁ ନୁହେଁ ରିୟଲରେ ଯୁବକ କରୁଥିଲେ ଗୁଣ୍ଡାଗିରି । ତେଲୁଗୁ ଫିଲ୍ମ ଷ୍ଟାଇଲରେ ହାତରେ ଖଣ୍ଡା, ଭୁଜାଲି ଓ ବନ୍ଧୁକ ଧରି ରାତିରେ ବିଚ୍ ରାସ୍ତାରେ ବୁଲୁଥିବାର ଭିଡିଓ ସାମ୍ନାକୁ ଆସିଥିଲା ।
ଦାମୀ କାର୍ ଓ ବାଇକରେ ୧୫ରୁ ଅଧିକ ଯୁବକ ଭିଡିଟ୍ ସୁଟ୍ କରିବା ସହ ମସ୍ତି କରୁଥିଲେ । ପୋଲିସ ପାଟ୍ରୋଲିଂକୁ ଖୋଲା ଚାଲେଞ୍ଜ ଦେଇ ସୋସିଆଲ୍ ମିଡିଆରେ ମାତିଥିଲେ ଅପରାଧୀ । ଖୁଲମଖୁଲା ବନ୍ଧୁକ, ହତିଆର ଧରି ରାଜରାସ୍ତାରେ ମସଗୁଲ ଅପରାଧୀ ନାଚ ଗୀତ କରି କମିଶନରେଟ ପୋଲିସକୁ ଖୁଲମଖୁଲା ଚାଲେଞ୍ଜ ଦେଇଥିଲେ । ଅନ୍ୟପଟେ ଚନ୍ଦ୍ରଶେଖରପୁର ଥାନା ଅଞ୍ଚଳରେ ଯୁବତୀ ଓ ତାଙ୍କ ପୁରୁଷ ବନ୍ଧୁଙ୍କ ଆକ୍ରମଣ ଘଟଣାରେ ଜଣଙ୍କୁ ପୋଲିସ ଗିରଫ କରିଛି ।
