ଆୟୁଷ୍ମାନ କାର୍ଡରେ ମାଗଣା ସ୍ୱାସ୍ଥ୍ୟ ସେବା ମିଳୁନଥିବା ଅଭିଯୋଗ

କଟକ: ଆୟୁଷ୍ମାନ କାର୍ଡରେ ମାଗଣା ସ୍ୱାସ୍ଥ୍ୟ ସେବା ମିଳୁନଥିବା ଅଭିଯୋଗ । ଏହି କାର୍ଡରେ ଅନେକ ଗରିବ, ଖଟିଖିଆ, ଦିନ ମଜୁରିଆ ଲୋକଙ୍କୁ ମାଗଣାରେ ସ୍ୱାସ୍ଥ୍ୟ ସେବା ମିଳୁନଥିବା ଅଭିଯୋଗ ହେଉଛି । କଟକ ଜିଲ୍ଲା ନରସିଂହପୁର ବ୍ଲକରେ ଏଭଳି ଘଟଣା ନଜରକୁ ଆସିଛି । ଜେମାଦେଇପୁର ଗାଁର କାର୍ତ୍ତିକ ସାହୁଙ୍କ ପତ୍ନୀ ଲିପ୍ସା ପ୍ରଧାନ ଗତ ୨୮ ତାରିଖରେ ନରସିଂହପୁରର ଏକ ଘରୋଇ ହସ୍ପିଟାଲରେ ଗୋଟିଏ କନ୍ୟା ସନ୍ତାନ ଜନ୍ମ ଦେଇଥିଲେ । କିନ୍ତୁ ଆୟୁଷ୍ମାନ କାର୍ଡରେ ଲିପ୍ସାଙ୍କ ନାମ ନଥିବାରୁ ମାଗଣା ଚିକିତ୍ସା ବଦଳରେ ତାଙ୍କୁ ୨୦ ହଜାର ଟଙ୍କା ଅର୍ଥ ଦେଇ ଚିକିତ୍ସା କରିବା ପାଇଁ ପଡିଥିଲା। ମହିଳାଙ୍କ ସ୍ୱାମୀ ଧାର କରଜ କରି ଲିପ୍ସାଙ୍କ ଚିକିତ୍ସା କରାଇଥିଲେ।

ସରକାର ତୁରନ୍ତ ଯୋଗ୍ୟ ହିତାଧିକାରୀଙ୍କୁ ଆୟୁଷ୍ମାନ କାର୍ଡ ଯୋଜନାରେ ସାମିଲ କରିବା ସହ ବଣ୍ଟନ ନହୋଇ ପଡ଼ି ରହିଥିବା କାର୍ଡ ଗୁଡିକୁ ତୁରନ୍ତ ବଣ୍ଟନ କରିବାକୁ ଦାବି ହୋଇଛି ।