ପୁଣି କଂଗ୍ରେସ ଭବନରେ ହାଇଡ୍ରାମା, ଟିକେଟ ନମିଳିବାରୁ ଆତ୍ମହତ୍ୟା ଉଦ୍ୟମ

ଭୁବନେଶ୍ବର: କଂଗ୍ରେସ ଭବନରେ ଟିକେଟ ଆଶାୟୀଙ୍କ ଅଭିନବ ପ୍ରତିବାଦ। ଆସ୍କା ଅଂଚଳର ଜଣେ  ଟିକେଟ ପାଇଁ ଆଶାୟୀ ଥିବା ନେତା ଭିମ୍ ଲିକୁଇଡ୍ ଦେହରେ ପକେଇ ଆତ୍ମହତ୍ୟା ଉଦ୍ୟମ କରୁଥିଲେ । ବେଶ କିଛି ସମୟ ଧରି ୫ରୁ ୬ଜଣ ସମର୍ଥକଙ୍କ ସହ ଆଶାୟୀ ବ୍ୟକ୍ତି ଏପରି ପ୍ରତିବାଦ କରିଥିଲେ । ପରେ କଂଗ୍ରେସ ଭବନରେ ଥିବା କିଛି ଯୁବନେତା  ପ୍ରତିବାଦ କରୁଥିବା ଲୋକଙ୍କୁ ଠେଙ୍ଗାରେ ଗୋଡ଼ାଇ ଗୋଡ଼ାଇ  ପିଟିଥିଲେ  । ଯାହା ୨୦୨୪ ରାଜନୀତିରେ ଏକ ରୋଚକ ଦୃଶ୍ୟ ଦେଖିବାକୁ ମିଳିଥିଲା କଂଗ୍ରେସ ଭବନରେ । ପରେ ପୋଲିସ କଂଗ୍ରେସ ଭବନରେ ପହଞ୍ଚି ଘଟଣାର ତନାଘନା କରିବା ସହ କଂଗ୍ରେସ ଭବନର କର୍ମଚାରୀଙ୍କ ସହ ଆଲୋଚନା କରିଥିଲେ । ୨୦୨୪ ଟିକେଟ ବଣ୍ଟନ ଓ ଟିକେଟ ପାଇବା ପରେ ପ୍ରାର୍ଥୀ ଟିକେଟ କଟିବାକୁ ନେଇ କଂଗ୍ରେସ ଭବନରୁ ତୃଣମୂଳସ୍ତର ଯାଏ  ହାତ ଶିବିରରେ ଅସନ୍ତୋଷ ବଢିବାରେ ଳାଗିଛି ।