ଦେଶରେ ଦୁଇ ଲକ୍ଷ ପାର୍ କଲା କରୋନା ସଂକ୍ରମଣ, ୨୪ ଘଣ୍ଟାରେ ୨ ଲକ୍ଷ ୪୭ ହଜାର ଆକ୍ରାନ୍ତ ଚିହ୍ନଟ

ନୂଆଦିଲ୍ଲୀ: ସାରା ଦେଶରେ ହୁ ହୁ ହୋଇ ବଢ଼ିବାରେ ଲାଗିଛି କରୋନା ସଂକ୍ରମଣ । ପ୍ରତିଦିନ ଦ୍ରୁତ ଗତିରେ ମାଡି ଚାଲିଛି କରୋନା ସଂକ୍ରମଣ । ଦେଶରେ ଦୁଇ ଲକ୍ଷ ପାର୍ କଲା କରୋନା ଆକ୍ରାନ୍ତଙ୍କ ସଂଖ୍ୟା । ସ୍ୱାସ୍ଥ୍ୟ ମନ୍ତ୍ରଣାଳୟର ସୂଚନା ଅନୁସାରେ ଗତ ୨୪ ଘଣ୍ଟାରେ ଦେଶରେ ୨ ଲକ୍ଷ ୪୭ ହଜାର ୪୧୭ କରୋନା ଆକ୍ରାନ୍ତ ଚିହ୍ନଟ ହୋଇଛି । ଯାହା ଗତକାଲି ଚିହ୍ନଟ ହୋଇଥିବା ଆକ୍ରାନ୍ତର ୨୭ ପ୍ରତିଶତ ଅଧିକ ଅଟେ । ଆଜିର କରୋନା ଆକ୍ରାନ୍ତ ସଂଖ୍ୟା ମିଶାଇ ଦେଶରେ ଆକ୍ଟିଭ୍ କେସ୍ ୧୧ ଲକ୍ଷ ୧୭ ହଜାର ୫୩୧ରେ ପହଞ୍ଚିଛି । ସେହିପରି ଗତ ୨୪ ଘଣ୍ଟାରେ ଦେଶରେ ୮୪ ହଜାର ୮୨୫ ଜଣ କରୋନାରୁ ସୁସ୍ଥ ହୋଇଛନ୍ତି ।

India reports 2,47,417 fresh COVID cases (27% higher than yesterday) and 84,825 recoveries in the last 24 hours

Active case: 11,17,531
Daily positivity rate: 13.11%

Confirmed cases of Omicron: 5,488 pic.twitter.com/kSvYNqJHb2

— ANI (@ANI) January 13, 2022

ଯଦି ଓମିକ୍ରନ ଆକ୍ରାନ୍ତ କଥା କହିବା ତାହାଲେ ବର୍ତ୍ତମାନ ସୁଦ୍ଧା ଦେଶରେ ମୋଟ ଓମିକ୍ରନ ଆକ୍ରାନ୍ତଙ୍କ ସଂଖ୍ୟା ୫ ହଜାର ପାର୍ କରିଛି । ଦେଶରେ ବର୍ତ୍ତମାନ କରୋନାର ନୂଆ ଭାରିଆଣ୍ଟ ଓମିକ୍ରନ ଆକ୍ରାନ୍ତଙ୍କ ସଂଖ୍ୟା ୫ ହଜାର ୪୮୮ରେ ପହଞ୍ଚିଛି । ମହାରାଷ୍ଟ୍ରରେ ୧୨୮୧ ଓମିକ୍ରନ ଆକ୍ରାନ୍ତ ସହ ଏହି ଲିଷ୍ଟର ଉପରେ ରହିଛି । ମହାରାଷ୍ଟ୍ର ପରେ ରାଜସ୍ଥାନ ୬୪୫, ଦିଲ୍ଲୀରେ ୫୪୬, କର୍ଣ୍ଣାଟକରେ ୪୭୯, କେରଳରେ ୩୫୦, ପଶ୍ଚିମବଙ୍ଗରେ ୨୯୪, ଉତ୍ତରପ୍ରଦେଶରେ ୨୭୫, ଗୁଜୁରାଟରେ ୨୩୬, ତାମିଲନାଡୁରେ ୧୮୫ ଓ ହରିଆଣାରେ ୧୬୨ ଓମିକ୍ରନ ଆକ୍ରାନ୍ତ ଚିହ୍ନଟ ହୋଇଛନ୍ତି । ସ୍ୱାସ୍ଥ୍ୟ ମନ୍ତ୍ରଣାଳୟର ସୂଚନା ଅନୁସାରେ ଡିସେମ୍ବର ୩୧ରେ ପଜିଟିଭିଟି ରେଟ୍ ୧.୧ ପ୍ରତିଶତ ରହିଥିଲା ଯାହା ଏବେ ବଢ଼ି ୧୧.୦୫ ପ୍ରତିଶତରେ ପହଞ୍ଚିଛି ।