ଯାଜପୁର: ପୂଜା ଛୁଟି ହେଲା ଜୀବନର ଶେଷ ଛୁଟି। ଘରକୁ ଆସିବାବେଳେ ରେଳ ଦୁର୍ଘଟଣାରେ ଦମ୍ପତି ମୃତ। ଯାଜପୁର ବୈତରଣୀ ରୋଡ୍ ରେଳ ଷ୍ଟେସନରେ ଘଟିଛି ଅଘଟଣ। ରେଳଲାଇନ ପାର ହେଉଥିବାବେଳେ ଟ୍ରେନ ଧକ୍କାରେ ଦମ୍ପତିଙ୍କ ମୃତ୍ୟୁ ହୋଇଛି। ମୃତକ ସ୍ଥାନୀୟ ବରୁଣ୍ଡେଇ ଗାଁର ଆଶୁତୋଷ ସିହ୍ନା ଓ ସ୍ତ୍ରୀ ଲକ୍ଷ୍ମୀପ୍ରିୟା ସିହ୍ନା।
ଉଭୟ ବାରିପଦାରେ ରହୁଥିବାବେଳେ ପୂଜା ଛୁଟି ପାଇଁ ନିଜ ଗାଁକୁ ପେରୁଥିଲେ। ଟ୍ରେନରେ ଆସି ବୈତରଣୀ ଷ୍ଟେସନରେ ଓହ୍ଲାଇଥିଲେ। ପରେ ରେଳ ଧାରଣା ପାର ହୋଇ ଯାଉଥିବା ବେଳେ ଏକ୍ସପ୍ରେସ ଟ୍ରେନ ଉଭୟଙ୍କୁ ଧକ୍କା ଦେଇଥିଲା। ଘଟଣାସ୍ଥଳରେ ହିଁ ଉଭୟଙ୍କର ମୃତ୍ୟୁ ହୋଇଥିଲା। ରେଳବାଇ ପୋଲିସ ମୃତଦେହ ଉଦ୍ଧାର କରି ଘଟଣାର ତଦନ୍ତ କରୁଛି ।
