ଦେଶବ୍ୟାପୀ ବୁଷ୍ଟର ଡୋଜ୍ ଅଭିଯାନ ଆରମ୍ଭ ହେବାର ଦିନକ ପୂର୍ବରୁ ସେରମ ଇନଷ୍ଟିଚ୍ୟୁଟ୍ ଅଫ୍ ଇଣ୍ଡିଆ ଓ ଭାରତ ବାୟୋଟେକ୍ ନିଜ ନିଜର କୋରୋନା ଟିକା ମୂଲ୍ୟ ହ୍ରାସ ପାଇଁ ଘୋଷଣା କରିଛନ୍ତି । ଘରୋଇ ହସ୍ପିଟାଲରେ ଏଣିକି ସେରମର କୋଭିଶିଲ୍ଡ ଟିକା ମୂଲ୍ୟ ୬୦୦ରୁ ୨୨୫ ଟଙ୍କା ହ୍ରାସ କରାଯାଇଛି । ଭାରତ ବାୟୋଟେକର କୋଭାକ୍ସିନ ଟିକା ୧୨ ଶହ ଟଙ୍କାରୁ ୨୨୫ ଟଙ୍କା ହ୍ରାସ ହୋଇଛି । ଆସନ୍ତାକାଲିଠାରୁ ଦେଶବ୍ୟାପୀ ୧୮ ବର୍ଷରୁ ଅଧିକ ବୟସ୍କ ଲୋକଙ୍କୁ ବୁଷ୍ଟର ଡୋଜ୍ ଦିଆଯିବ ବୋଲି କେନ୍ଦ୍ର ସରକାର ଶୁକ୍ରବାର ଘୋଷଣା କରିଥିଲେ । ଏହି ବୟସ ବର୍ଗର ଲୋକ ଘରୋଇ ଟିକାକରଣ କେନ୍ଦ୍ରରେ ଧାର୍ଯ୍ୟ ଟଙ୍କା ପୈଠ କରି ବୁଷ୍ଟର ଡୋଜ୍ ନେଇପାରିବେ ।
We are pleased to announce that after discussion with the Central Government, SII has decided to revise the price of COVISHIELD vaccine for private hospitals from Rs.600 to Rs 225 per dose. We once again commend this decision from the Centre to open precautionary dose to all 18+.
— Adar Poonawalla (@adarpoonawalla) April 9, 2022
ସୂଚନାଯୋଗ୍ୟ କେନ୍ଦ୍ର ସରକାର ପ୍ରଥମ ଦିନରେ କହିଥିଲେଯେ, ଘରୋଇ ଟିକାକରଣ କେନ୍ଦ୍ର ଡୋଜ୍ ପିଛା ୧୫୦ ଟଙ୍କା ଲେଖାଏଁ ନେଇପାରିବେ ।
Announcing #CovaxinPricing .
We welcome the decision to make available precautionary dose for all adults. In consultation with the Central Government, we have decided to revise the price of #COVAXIN from Rs 1200 to Rs 225 per dose, for #privatehospitals.??????— Suchitra Ella (@SuchitraElla) April 9, 2022
କେନ୍ଦ୍ରୀୟ ସ୍ୱାସ୍ଥ୍ୟ ସଚିବ ରାଜେଶ ଭୂଷଣ ଶନିବାର ସମସ୍ତ ରାଜ୍ୟ ଓ କେନ୍ଦ୍ର ଶାସିତ ଅଞ୍ଚଳର ସ୍ୱାସ୍ଥ୍ୟ ସଚିବଙ୍କ ସହ ଏକ ବୈଠକ ରଖିଥିଲେ । ତେବେ ପୂର୍ବରୁ କୋ-ଓ୍ୱିନ୍ ପଞ୍ଜିକରଣ କରିଥିବା ବ୍ୟକ୍ତିଙ୍କ ପାଇଁ ପ୍ରିକସନ୍ ଡୋଜ୍ ବା ବୁଷ୍ଟର ଡୋଜ୍ ପାଇଁ କୌଣସି ପଞ୍ଜିକରଣର ଆବଶ୍ୟକତା ନାହିଁ ବୋଲି ସେ କହିଥିଲେ ।
