ନନ୍ଦିଘୋଷ ବ୍ୟୁରୋ : ସୁନ୍ଦରଗଡ଼ ଜିଲ୍ଲା ଵିଶ୍ରା ଥାନା ଅକ୍ଷରଶିଳା ନିକଟରେ ଏନକାଉଣ୍ଟର। ଝାଡ଼ଖଣ୍ଡର କୁଖ୍ୟାତ ଆନ୍ତଃରାଜ୍ୟ ଅପରାଧୀ ବ୍ୟାସ ଲାଖୁଆ ଗୁରୁତର। ଦାଦାବଟି ହତ୍ୟା, ହତ୍ୟା ଧମକ ସହ ଵହୁ ଅପରାଧରେ ସେ ସମ୍ପୃକ୍ତ। ପୋଲିସ ଉପରକୁ ଗୁଳିମାଡ କରି ଫେରାର ହେବାକୁ ଉଦ୍ୟମ କରୁଥିଲା। ପୋଲିସର ପାଲଟା ଗୁଳିମାଡ଼ରେ ସେ ଆହତ ହୋଇଛି। ରାଉରକେଲା ସରକାରୀ ଡାକ୍ତରଖାନାରେ ତାକୁ ଭର୍ତ୍ତି କରାଯାଇଛି। ଆଜି ଭୋର ୪ ଟା ରେ ଅକ୍ଷରଶିଳା ନିକଟରେ ବ୍ୟାସ ଲାଖୁଆ ଲୁଚିଥିବାର ସୂଚନା ପାଇ ପୋଲିସ ତାକୁ ଧରିବାକୁ ଉଦ୍ୟମ କରିଥିଲା। ଏହି ସମୟରେ ପୋଲିସ ଉପରକୁ ଗୁଳି କରିଥିଲା ବ୍ୟାସ। ପୋଲିସର ପାଲଟା ଗୁଳିରେ ସେ ଆହତ ହୋଇଛି।
