ନିମ୍ନମାନର କାମ କରି କୋଟି କୋଟି ଟଙ୍କା ହଡପ । ଖୋର୍ଦ୍ଧା ଜିଲ୍ଲା ଜଟଣୀ ପୌରପରିଷଦ ଅଧୀନରେ ଥିବା ୯ ଟି ରାସ୍ତାକୁ ପୂର୍ତ୍ତ ବିଭାଗକୁ ହସ୍ତାନ୍ତର କରିଛି ଜଟଣୀ ପୌରପରିଷଦ। ଉଦେଶ୍ୟ ଥିଲା ପୌରାଞ୍ଚଳରେ ବସବାସ କରୁଥିବା ଜନ ସାଧାରଣ ଡ୍ରେନେଜ ଓ ରାସ୍ତା ଭଳି ମୌଳିକ ସୁବିଧା ପାଇ ପାରିବେ। ହେଲେ ବିଡ଼ମ୍ବନାର ବିଷୟ ପୂର୍ତ୍ତ ବିଭାଗକୁ ହସ୍ତାନ୍ତର ହୋଇଥିବା କିଛି ରାସ୍ତାର କାମ ଆରମ୍ଭ କରାଯାଇ ରାତି ଅଧରେ ଭଲ ଥିବା ରାସ୍ତା ଉପରେ ପିଚୁ ପକା ଯାଉଛି । ପଡ଼ିଥିବା ପିଚୁର ମାନ ଅତି ନିମ୍ନମାନର ହୋଇଥିବାରୁ ପିଚୁରୁ ଗୋଡି ବାହାରି ପଡୁଛି । ଯାହାକୁ ନେଇ ସ୍ଥାନୀୟ ଅଞ୍ଚଳରେ ଜନ ଅସନ୍ତୋଷ ଦେଖିବାକୁ ମିଳିଛି। ଜଟଣୀ ପୌରପରିଷଦ ଓ ପୂର୍ତ୍ତ ବିଭାଗଙ୍କ ମଧୁଚନ୍ଦ୍ରୀକା ପାଇଁ ଭଲ ଥିବା ରାସ୍ତାରେ ନିମ୍ନ ମାନର ପିଚୁ ପକାଇ କୋଟି କୋଟି ଟଙ୍କା ହଡପ ହେଉଥିବା ସ୍ଥାନୀୟ ଲୋକ ଅଭିଯୋଗ କରିଛନ୍ତି।
