ଅଭିନେତ୍ରୀଙ୍କୁ ଅଶ୍ଳୀଳ ଭିଡିଓ କଲ୍ ମାମଲା, ଧରାପଡ଼ିଲା ଅଭିଯୁକ୍ତ
କଟକ: ଅଭିନେତ୍ରୀଙ୍କୁ ଅଶ୍ଳୀଳ ଭିଡିଓ କଲ୍ ମାମଲା । ଘଟଣାର ପର୍ଦ୍ଦାଫାସ କଲା କଟକ ସାଇବର ଥାନା ପୋଲିସ । ଘଟଣାରେ ଜଣେ ଅଭିନେତାଙ୍କୁ ଗିରଫ କରିଛି ପୋଲିସ୍ । ଗିରଫ ଅଭିଯୁକ୍ତ ଜଣଙ୍କ ହେଉଛନ୍ତି ମିଥୁନ ଭୋଇ । ମିଥୁନ ଚଳଚିତ୍ର ଜଗତରେ ଜଣେ ପାର୍ଶ୍ବ ଖଳନାୟକ ଭାବେ ଅଭିନୟ କରନ୍ତି । ତାଙ୍କ ନିକଟରୁ ଦୁଇଟି ସିମ୍ କାର୍ଡ ଓ ଦୁଇଟି ମୋବାଇଲ୍ ଫୋନ୍ ଜବତ କରାଯାଇଛି ।
ମିଥୁନ ଚଳଚ୍ଚିତ୍ର ପ୍ରଯୋଜକଙ୍କ ନାଁରେ ନକଲି ହ୍ବାଟସଆପ୍ ଆକାଉଣ୍ଟ ଖୋଲି ହ୍ୱାଟସଆପ ଚାଟ କରୁଥିଲା । ସେହି ଆକାଉଣ୍ଟରୁ ଅଭିନେତ୍ରୀଙ୍କୁ ଅଶ୍ଳୀଳ ଭିଡିଓ କଲ୍ କରୁଥିଲା । ୨୦ରୁ ଅଧିକ ଅଭିନେତ୍ରୀଙ୍କୁ ହ୍ବାଟସଆପରେ ଅଶ୍ଳୀଳ ଚାଟିଂ କରୁଥିଲା ମିଥୁନ । ବଦନାମ କରିବା ଉଦ୍ଦେଶ୍ୟରେ ମିଥୁନ ଏଭଳି କରୁଥିବା ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ଅତିରିକ୍ତ ଡିସିପି ଅନୀଲ ମିଶ୍ର ।
