ମାଡି ଆସୁଛି ବାତ୍ୟା ସି-ତ୍ରଙ୍ଗ, ହାଇ ଆଲର୍ଟରେ ପଶ୍ଚିମବଙ୍ଗ

କୋଲକାତା: ବାତା ସି-ତ୍ରଙ୍ଗ ପାଇଁ ପଶ୍ଚିମବଙ୍ଗରେ ହାଇଆଲର୍ଟ ଜାରି କରାଯାଇଛି । ଉଚ୍ଚ ଜୁଆର ଯୋଗୁ ସମୁଦ୍ର ଅଞ୍ଚଳରେ ଜୁଆର ମାଡି ଆସୁଛି  ।  ଜୁଆରର ଉଚ୍ଚତା ବେଳକୁ ବେଳ ବଢ଼ିବାରେ ଲାଗିଛି  ।  ଅନ୍ୟ ଆଦେଶ ପର୍ଯ୍ୟନ୍ତ ମତ୍ସ୍ୟଜୀବୀ ମାନଙ୍କୁ ସମୁଦ୍ରକୁ ଯିବାକୁ  ମନା କରାଯାଇଛି । ବାତ୍ୟା କାରଣରୁ ସମୁଦ୍ର ଅଶାନ୍ତ ରହିବା ସହିତ ଉଚ୍ଚ ଜୂଆର ମଧ୍ୟ ଆରମ୍ଭ ହୋଇଛି ପଶ୍ଚିମବଙ୍ଗ ଓ ଓଡ଼ିଶା ସୀମାନ୍ତ ଦିଘା ପ୍ରଶାସନ ପକ୍ଷ ରୁ ସାଧାରଣ ଲୋକଙ୍କୁ ଡାକବାଜି ଯନ୍ତ୍ର ମାଧ୍ୟମରେ ସଚେତନ କରାଯାଉଛି ।

ଅନ୍ୟପଟେ ନିଉ ଦିଘା, ଦିଘା ଉପକୂଳରେ ଥିବା ଦୋକାନ ବଜାର ସହ ହୋଟେଲକୁ ମଧ୍ୟ ସତର୍କ କରିଛି ପଶ୍ଚିମବଙ୍ଗ ପ୍ରଶାସନ  । ପ୍ରଶାସନ ପକ୍ଷରୁ  ହଲଦିଆ ଡକ୍ ରେ ମଧ୍ୟ ମାଇକ ଜରିଆରେ ସଚେତନ କରାଯାଉଛି  । କୋଷ୍ଟାଲା ଗାର୍ଡ ଟିମ୍ ମୁତୟନ ରହିଛନ୍ତି  ।  ସି ତ୍ରଙ୍ଗକୁ ନେଇ ମତ୍ସ୍ୟଜୀବୀଙ୍କୁ ସଚେତନ କରାଯିବା ସହ ସମୁଦ୍ରକୁ ନଯିବାକୁ ପରାମର୍ଶ ଦିଆଯାଉଛ  ।