ରାଜଧାନୀରେ ଭୋର ପର୍ଯ୍ୟନ୍ତ ଖୋଲୁଛି ଡ୍ୟାନ୍ସ ବାର ଓ ପବ
ଭୁବନେଶ୍ୱର: ନିର୍ବାଚନ ସମୟରେ ଅବକାରୀ ନିୟମ ଉଲ୍ଲଘଂନ। ସହିଦନଗରରେ ଭୋର ପର୍ଯ୍ୟନ୍ତ ଖୋଲା ରହୁଛି ଡ୍ୟାନ୍ସ ବାର ଓ ପବ। ସହିଦନଗରରେ ଥିବା ସାଇନ ଏକ୍ସ ନାମକ ଡ୍ୟାନ୍ସ ପବ ଖୋଲିଥିବା ଦେଖିବାକୁ ମିଳିଛି। ପବ୍ ଭିତରର ଭିଡିଓ ବର୍ତ୍ତମାନ ସାମ୍ନାକୁ ଆସିଛି। ଯୁବପୀଢ଼ିମାନେ ନିଶାରେ ଚୁର ହୋଇ ମସଗୁଲ ଥିବା ଏହି ଭିଡିଓରେ ଦେଖିବାକୁ ମିଳିଛି। ନାଁ ଅଛି ପୋଲିସକୁ ଡର, ନାଁ ଅଛି ଅବକାରୀ ବିଭାଗର ଭୟ ।
ଗୋଟିଏ ପଟେ ଆଚରଣ ବିଧି ଲାଗୁ ହୋଇଛି। ଛକ ବଜାରରେ ନାକାବନ୍ଦି ହେଉଛି। କିନ୍ତୁ ଏହାରି ଭିତରେ ସବୁ ନିୟମର ଜଳାଞ୍ଜଳି ଦେଇ ଖୁଲମଖୁଲା ଚାଲିଛି ଡ୍ୟାନ୍ସ ପବ। ବାହାର ପଟ ଗେଟ ବନ୍ଦ କରି ଭିତର ପଟେ ଚାଲିଛି ଏଭଳି ଧନ୍ଦା। ସେପଟେ ଖିଲାପକାରୀଙ୍କ ବିରୋଧରେ ଖୁବଶୀଘ୍ର କାର୍ଯ୍ୟାନୁଷ୍ଠାନ ନିଆଯିବ ବୋଲି ସୂଚନା ଦେଇଛି ଅବକାରୀ ବିଭାଗ।
