ନନ୍ଦିଘୋଷ ବ୍ୟୁରୋ: ଦିଲ୍ଲୀ କାର୍ ବିସ୍ଫୋରଣ ଘଟଣା। ହ୍ବାଇଟ କୋଲାର ଟେରର ମଡ୍ୟୁଲରେ ସମ୍ପୃକ୍ତ ଥିବା ଆଉ ଜଣେ ଜାକ୍ତର ଗିରଫ। ଦକ୍ଷିଣ କାଶ୍ମୀରରେ ଏକ ସରକାରୀ ମେଡିକାଲ କଲେଜରେ କାର୍ଯ୍ୟରତ ହରିଆଣାର ଜଣେ ମହିଳା ଡାକ୍ତର ଗିରଫ। ଗିରଫ ମହିଳା ଡାକ୍ତରଙ୍କ ନାମ ପ୍ରିୟଙ୍କା ଶର୍ମା। ତାଙ୍କ ଘର ହରିଆଣାର ରୋହତକରେ। ସେ ଅନନ୍ତନାଗ ଜିଏମସିରେ ଡାକ୍ତରୀ ଚାକିରି କରୁଥିଲେ। ତାଙ୍କ ନିକଟରୁ ଏକ ମୋବାଇଲ ଫୋନ ଓ ଏକ ସିମ୍ କାର୍ଡ ଜବତ ହୋଇଛି। ଏହି ବହୁଚର୍ଚ୍ଚିତ ଟେରର ମଡ୍ୟୁଲ ଲାଗି ଡାକ୍ତର ପ୍ରିୟଙ୍କା ଲଜିଷ୍ଟିକ ଓ ଆର୍ଥିକ ସହାୟତା ପ୍ରଦାନ କରୁଥିଲେ। ବିଭିନ୍ନ କଲ ଡିଟେଲ ଆଧାରରେ ପ୍ରିୟଙ୍କାଙ୍କ ଘରେ ପହଞ୍ଚିଥିଲା ପୋଲିସ। ଡାକ୍ତର ପ୍ରିୟଙ୍କାଙ୍କୁ ଜେରା ଲାଗି ହରିଆଣାର ଏକ ଟିମ ଅନନ୍ତନାଗ ଯାଇଛନ୍ତି। ପୂର୍ବରୁ ଏହି ଘଟଣାରେ ଦିଲ୍ଲୀ ପୋଲିସର କ୍ରାଇମ ବ୍ରାଞ୍ଚ ଅଲ ଫଲାହ ବିଶ୍ବବିଦ୍ୟାଳୟ ନାମରେ ୨ଟି ମାମଲା ରୁଜୁ କରିଛି। ବର୍ତ୍ତମାନ ସୁଦ୍ଧା ଫରିଦାବାଦ ପୋଲିସ ପ୍ରାୟ ୧୪୦ ମସଜିଦ, ୧୭୦୦ କର୍ମଚାରୀ, ୪୦ଟି ସାର ଓ ଶସ୍ୟ ଦୋକାନ, ୨୦୦ ଗେଷ୍ଟ ହାଉସ ଯାଞ୍ଚ କରିସାରିଲାଣି।
