ନୂଆଦିଲ୍ଲୀ: ଘନ କୁହୁଡି ବଳୟରେ ରାଜଧାନୀ ଦିଲ୍ଲୀ ସମେତ ସମଗ୍ର ଏନସିଆର। ସୃଷ୍ଟି ହୋଇଛି ଜିରୋ ଭିଜିବିଲିଟି। ଘନ କୁହୁଡି ଯୋଗୁଁ ସଡକ ଠାରୁ ଆରମ୍ଭ କରି ଆକାଶ ମାର୍ଗରେ ଗାଡି ଚଳାଚଳ ବାଧାପ୍ରାପ୍ତ ହେଉଛି। କୁହୁଡି ଯୋଗୁଁ ୫୦ରୁ ଅଧିକ ଫ୍ଲାଇଟ ଉଡାଣ ବିଳମ୍ବ ହେବା ସହିତ ୨୩ ଟ୍ରେନ ଚଳାଚଳ ବ୍ଯାହତ ହୋଇଛି । ଇନ୍ଦିରୀଗାନ୍ଧୀ ଏଣ୍ଟରନ୍ଯାସନାଲ ଏୟାରପୋର୍ଟରେ ଜିରୋ ଭିଜିବିଲିଟି ରହିଛି। ଫଳରେ ଲୋକେ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି।
ସେପଟେ ଆନନ୍ଦବିହାର ରେଲୱେ ଷ୍ଟେସନରେ ଟ୍ରେନ ବିଳମ୍ବିତ ହେବାରୁ ଯାତ୍ରୀ ଅସୁବିଧାର ସ୍ମୁଖୀନ ହେଇଛନ୍ତି। ମଙ୍ଗଳବାର ଦିନ ଦିଲ୍ଲୀରେ ସର୍ବାଧିକ ତାପମାତ୍ରା ୨୧.୪ ଡିଗ୍ରୀ ରେକର୍ଡ କରାଯାଇଥିଲା। ପାଣିପାଗ ବିଭାଗର ଆକଳନ ଅନୁସାରେ ଆଗାମୀ ତିନି ଦିନ ପର୍ଯ୍ଯନ୍ତ ଦିଲ୍ଲୀ ତାପମାତ୍ରା ୨ ରୁ ୪ଡିଗ୍ରୀ ପର୍ଯ୍ଯନ୍ତ ବୃଦ୍ଧି ପାଇବ। ପାଗରେ କୌଣସି ପରିବର୍ତ୍ତନ ହେବ ନାହିଁ।
