ରାଜଧାନୀ ଦିଲ୍ଲୀରେ ଜଳ ପ୍ରଳୟ, ପାଣିରେ ବୁଡ଼ି ରହିଛି ଏନସିଆରର ଅନେକ ଅଞ୍ଚଳ

ନନ୍ଦିଘୋଷ ବ୍ୟୁରୋ : ରାଜଧାନୀ ଦିଲ୍ଲୀରେ ଥମୁନି ଜଳବିତ୍ପାତ। ଯମୁନା ନଦୀର ଜଳପତ୍ତନ ବୃଦ୍ଧି ପାଉଥିବାରୁ ହଜାର ହଜାର ଲୋକ ଜଳବନ୍ଦୀ ହୋଇଛନ୍ତି। ମୋନାଷ୍ଟ୍ରି ମାର୍କେଟ, ଯମୁନା ବଜାର, ବସୁଦେବ ଘାଟ ସ୍ଥିତି ସଂଗୀନ ହୋଇଛି। ପାଣିରେ ବୁଡ଼ି ରହିଛି ଏନସିଆରର ଅନେକ ଅଞ୍ଚଳ । ରାସ୍ତା, କାର ଏବଂ ଘରେ ପାଣି ପ୍ରବେଶ କରିଛି । ଗୁରୁଗ୍ରାମରେ ବନ୍ୟା ପାଇଁ ଜଳ ନିଷ୍କାସନ ସମସ୍ୟାକୁ ଦାୟୀ କରାଯାଉଛି। ଦିଲ୍ଲୀରେ ଯମୁନା ନଦୀର ଜଳ ଛଅ ଦଶନ୍ଧି ମଧ୍ୟରେ ତୃତୀୟ ସର୍ବୋଚ୍ଚ ସ୍ତରରେ ପହଞ୍ଚିଛି । ଗୀତା କଲୋନି, ମୟୂର ବିହାର ଫେଜ୍, ଯମୁନା ବଜାର, ରିଙ୍ଗ ରୋଡ୍ , ସିଭିଲ୍ ଲାଇନ୍ସ, ସୋନିଆ ବିହାର, କାଶ୍ମୀର ଗେଟ୍, ବାୱାନା, ମୁକୁନ୍ଦପୁର, ସରିତା ବିହାର ଏବଂ ଜନକପୁରୀ ଅଞ୍ଚଳ ଜଳମଗ୍ନ ହୋଇଛି । ଯମୁନା ବଜାରର ଲୋକମାନଙ୍କୁ ଆଣ୍ଠୁଏ ପାଣି ଦେଇ ସୁରକ୍ଷିତ ସ୍ଥାନକୁ ସ୍ଥାନାନ୍ତର କରାଯାଇଥିଲା। ତଳିଆ ଅଞ୍ଚଳରେ ରହୁଥିବା ୧୪ ହଜାର ଲୋକଙ୍କୁ ଉଦ୍ଧାର କରାଯାଇଛି ।