ପୁରୁଣା ଗାଡ଼ି ଉପରେ ପ୍ରତିବନ୍ଧକ ଘଟଣା : ସୁପ୍ରିମକୋର୍ଟ ଯିବେ ଦିଲ୍ଲୀ ସରକାର

ନନ୍ଦିଘୋଷ ବ୍ୟୁରୋ: ଦିଲ୍ଲୀରେ ପୁରୁଣା ଗାଡ଼ି ଉପରେ ପ୍ରତିବନ୍ଧକ ଲଗାଇବା ଘଟଣା ଖବରରେ ରହିଛି । ତେବେ ଏହି ଘଟଣାକୁ ନେଇ ସୁପ୍ରିମକୋର୍ଟକୁ ଯିବେ ଦିଲ୍ଲୀ ସରକାର । ଦିଲ୍ଲୀ ମୁଖ୍ୟମନ୍ତ୍ରୀ ରେଖା ଗୁପ୍ତା କହିଛନ୍ତି କି, CAQMକୁ ଚିଠି ଲେଖିଛନ୍ତି । କହି ରଖୁଛୁ କି, ଦିଲ୍ଲୀରେ ପ୍ରଦୂଷଣକୁ ଦୃଷ୍ଟିରେ ରଖି ଦିଲ୍ଲୀରେ ୧୦ ବର୍ଷରୁ ଅଧିକ ଡିଜେଲ ଏବଂ ୧୫ ବର୍ଷରୁ ଅଧିକ ପେଟ୍ରୋଲ ଗାଡ଼ି ଉପରେ ପ୍ରତିବନ୍ଧକ ଲଗାଇଥିଲେ । ଯାହାକୁ ନେଇ ଜନସାଧାରଣଙ୍କ ମଧ୍ୟ ଉଦବେଗ ପ୍ରକାଶ ପାଇଥିଲା । ସରକାରଙ୍କ ଏଭଳି ଏକ ନିଷ୍ପତ୍ତିକୁ ବିରୋଧ ମଧ୍ୟ କରିଛନ୍ତି । ଯାହାକୁ ନେଇ ସରକାର ଏହା ଉପରେ ପୁଣିଥରେ ଏଭଳି ନିଷ୍ପତ୍ତି ନେବାକୁ ଯାଉଛନ୍ତି । ଏହାସ ଦିଲ୍ଲୀ ମୁଖ୍ୟମନ୍ତ୍ରୀ ରେଖା ଗୁପ୍ତା କହିଛନ୍ତି କି, ଦିଲ୍ଲୀର ଲୋକଙ୍କୁ ଆଶ୍ବସ୍ତି ଦେବାକୁ ଚାହୁଁଛୁ । ଜୁଲାଇ ୧ରୁ ଏହି ନିୟମ ଲାଗୁ ହୋଇଥିବାବେଳେ ୬୨ ଲକ୍ଷରୁ ଅଧିକ ଗାଡ଼ି ପ୍ରଭାବିତ ହୋଇଛି । ଯାହାକୁ ନେଇ ଲୋକଙ୍କ ମଧ୍ୟରେ ପ୍ରତିବାଦର ସ୍ବର ଉଠିଥିବାବେଳେ ଏବେ ସରକାର ଏଦିଗରେ ନିଜର ମତ ବଦଳାଇବେ କି ବୋଲି ମଧ୍ୟ ପ୍ରଶ୍ନ ଉଠିଛି ।