ଡିଜେ ଡ୍ୟାନ୍ସରେ ଚାଲିଛି ଶବ ଶୋଭାଯାତ୍ରା

କୋଲକାତା: ପଶ୍ଚିମବଙ୍ଗ ହୁଗୁଳି ବ୍ୟାଣ୍ଡଲ ଅଞ୍ଚଳରେ ନାଚଗୀତର ଆସର । ଦୃଶ୍ୟ ଦେଖି ଲାଗୁଛି କୌଣସି ବିବାହ ଉତ୍ସବ ବୋଲି । ଡିଜେର ତାଳେ ତାଳେ ନାଚୁଛନ୍ତି ଛୋଟରୁ ବଡ଼ । ପ୍ରକୃତ କଥା କିନ୍ତୁ ଅଲଗା । ଏ ହେଉଛି ଜଣେ ୧୦୬ ବର୍ଷୀୟ ବୃଦ୍ଧା ସାବିତ୍ରୀ ମଣ୍ଡଳଙ୍କ ବିୟୋଗର ଶୋଭାଯାତ୍ରା । ଯେଉଁ ଶୋଭାଯାତ୍ରାରେ ନାତି ନାତୁଣୀ ମିଶି ନାଚ ଗୀତ କରି ବୃଦ୍ଧ ଜେଜେମାଙ୍କୁ ବିଦାୟ ଦେଇଛନ୍ତି ।

ପରିବାରର କେହି ମୃତ୍ୟୁବରଣ କଲେ ଘରେ କାନ୍ଦ ବୋବାଳି ପଡେ । ହେଲେ ଏଠି ପୁରା ଓଲଟା । ସାବିତ୍ରୀଙ୍କ ମୃତ୍ୟୁରେ ଉତ୍ସବ ମନାଇଛନ୍ତି ପରିବାର ଓ ଗ୍ରାମବାସୀ । ତାଙ୍କ କହିବା ହେଲା, ଶହେ ବର୍ଷ ବୟସରେ ସାବିତ୍ରୀଙ୍କ ଜନ୍ମଦିନ ଖୁବ ଧୁମଧାମରେ ମନାଇଥିଲେ ସମସ୍ତେ । ଏବେ ମୃତ୍ୟୁ ଆସିଛି ଯଦି ଦୁଃଖ କାହିଁକି । ଏଥିରେ ବି ଡିଜେ ବଜାଇ ଜେଜେ ମାକୁ ଖୁସି ଖୁସିରେ ଅନ୍ତିମ ସଂସ୍କାର ପାଇଁ ଶ୍ମଶାନ ଘାଟ ନିଆଯାଇଛି ।