ନନ୍ଦିଘୋଷ ବ୍ୟୁରୋ : ଅହମ୍ମଦାବାଦରେ ଏୟାର ଇଣ୍ଡିଆ ବିମାନ ଦୁର୍ଘଟଣା ଘଟଣାକୁ ନେଇ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଦୁଃଖ ପ୍ରକାଶ କରିଛନ୍ତି । ସେ ଏହାକୁ ଏକ ଭୟଙ୍କର ଦୁର୍ଘଟଣା ବୋଲି କହିଛନ୍ତି। ସେ କହିଛନ୍ତି ଯେ, ଭାରତକୁ ସମସ୍ତ ପ୍ରକାରର ସହାୟତା ପ୍ରଦାନ କରିବୁ । ଭାରତ ଏକ ଶକ୍ତିଶାଳୀ ରାଷ୍ଟ୍ର ଏହି ଘଟଣାକୁ ସମ୍ଭାଳି ନେବ । ଏହା ସହ କିଛି ସହଯୋଗ ଲୋଡିଲେ ଆମେରିକା ତୁରନ୍ତ ସହଯୋଗ ପ୍ରଦାନ କରିବ ବୋଲି ସ୍ପଷ୍ଟ କରିଛନ୍ତି ଟ୍ରମ୍ପ। ଆହୁରୀ ମଧ୍ୟ କହିଛନ୍ତି, ବିମାନରେ ବିସ୍ଫୋରଣ ହୋଇଥିବା ପରି ମନେ ହେଉନାହିଁ, ଇଞ୍ଜିନ ଅକାମୀ ହୋଇ ବିସ୍ଫୋରଣ ଘଟିଥିବା ଲାଗୁଛି ବୋଲି କହିଛନ୍ତି ଟ୍ରମ୍ପ । ସୂଚନା ଅନୁଯାୟୀ, ଏହି ବିମାନ ଦୁର୍ଘଟଣାର ତଦନ୍ତ ପାଇଁ ଆମେରିକା ଭାରତକୁ ବିଶେଷଜ୍ଞଙ୍କ ଟିମ୍ ପଠାଉଛି ବୋଲି ସୂଚନା ରହିଛି ।
ଟ୍ରମ୍ପ କହିଛନ୍ତି, “ଦୁର୍ଘଟଣାଟି ଭୟଙ୍କର ଥିଲା। ମୁଁ ଭାରତ ପାଇଁ ଯାହା ସହଯୋଗ ଦରକାର କରିବି । ମୁଁ ନିଶ୍ଚିତ ଯେ, ଏହା ଏକ ବଡ଼ ଦେଶ ଏକ, ଶକ୍ତିଶାଳୀ ଦେଶ, ସେମାନେ ଏହାକୁ ସମ୍ଭାଳି ନେବେ । ଏହି ଭୟଙ୍କର ଦୁର୍ଘଟଣା ଅଧିକାଂଶ ଲୋକ ମୃତ୍ୟୁବରଣ କରିଛନ୍ତି । ଏନେଇ ଗଭୀର ଦଃଖ ପ୍ରକାସ କରିଛନ୍ତି ଡୋନାଲ୍ଡ ଟ୍ରମ୍ପ ।
