ଦରମା ମିଳିଲାନି ବୋଲି ଗଡ଼ିଲାନି ଗାଡ଼ି ; ଷ୍ଟିଅରିଂ ଛାଡିଲେ ‘ଆମ ବସ’ କର୍ମଚାରୀ

ନନ୍ଦିଘୋଷ ବ୍ୟୁରୋ : ଭୁବନେଶ୍ଵରରେ ଆମ ବସ୍ ଡ୍ରାଇଭରଙ୍କ ଷ୍ଟିଅରିଂ ଛାଡ୍ ଆନ୍ଦୋଳନ। ଠିକ ସମୟରେ ଦରମା ନ ମିଳିବା ପ୍ରତିବାଦରେ ସେମାନେ ଆନ୍ଦୋଳନକୁ ଓହ୍ଲାଇଛନ୍ତି। ଆଜି ପୋଖରୀପୁଟ ଡିପୋର ୪୩ ଟି ବସର ଡ୍ରାଇଭର ଷ୍ଟିଅରିଂ ଛାଡ଼ିଛନ୍ତି। ଠିକ ସମୟରେ ଦରମା ନ ମିଳିବାରୁ ଘର ଚଳାଇବା ସମସ୍ୟା ହେଉଥିବା କହିଛନ୍ତି ସେମାନେ। କୌଣସି ସାମାଜିକ ସୁରକ୍ଷା ବିନା ଆମ ବସ ଚାଳକମାନେ ଗାଡ଼ି ଚଳାଉଛନ୍ତି । ବର୍ତ୍ତମାନ ୪୨ ଦିନ ହୋଇଯାଇଥିଲେ ବି ଦରମା ପାଇନଥିବାରୁ ଷ୍ଟିଅରିଂ ଛାଡ଼ ଆନ୍ଦୋଳନ କରିଛନ୍ତି। ପ୍ରତି ମାସ ବିଳମ୍ବରେ ଦରମା ମିଳୁଥିବା ବେଳେ ଏ ମାସର 13 ତାରିଖ ହେଲାଣି ଦରମା ମିଳିନାହିଁ । ତିନି ଦିନ ହେବ ଚକ୍ରା ଟ୍ରାନ୍ସପୋର୍ଟ ପକ୍ଷରୁ କୌଣସି ଅଧିକାରୀ କିଛି ଶୁଣୁନାହାନ୍ତି ବୋଲି ଅଭିଯୋଗ ଆଣିଛନ୍ତି ଡ୍ରାଇଭର଼୍।