ବୈତରଣୀ ନଦୀରୁ ୨ ଭଉଣୀଙ୍କ ମୃତଦେହ ଉଦ୍ଧାର

ଭଦ୍ରକ: ବୈତରଣୀ ନଦୀରୁ ୨ ଭଉଣୀଙ୍କ ମୃତଦେହ ଉଦ୍ଧାର । ମୃତକ ହେଲେ ଆରଡି ଫାଣ୍ଡି ଅଧିନସ୍ଥ ମୁଆଁ ଗାଁର ବାପିନ ଦାସଙ୍କ ଝିଅ ବର୍ଷାରାଣୀ ଦାସ ଓ ପିତାମ୍ବର ଦାସଙ୍କ ଝିଅ ଭୂମିକା ଦାସ ।  ଗତ ଶୁକ୍ରବାର ଠାରୁ ଉଭୟେ ନିଖୋଜ ରହିଥିଲେ । ଶନିବାର ଅପରାହ୍ଣରେ ପୃଥକ ଭାବେ ବୈତରଣୀନଦୀର କଇଁଗୋଲା ଘାଟରୁ ବର୍ଷାରାଣୀକୁ ଉଦ୍ଧାର କରାଯାଇଥିବା ବେଳେ  ମୁଆଁ ଘାଟରୁ  ଭୂମିକାକୁ ଉଦ୍ଧାର କରିଥିଲେ ସ୍ଥାନୀୟ ଲୋକ ଓ ଅଗ୍ନିଶମ ବିଭାଗ । ବର୍ଷାରାଣୀ ଚଳିତବର୍ଷ ୧୦ମ ଶ୍ରେଣୀ ବୋର୍ଡ ପରୀକ୍ଷା ଦେଇଥିବା ବେଳେ ଭୂମିକା ✝︎୨ ପରୀକ୍ଷା ଦେଇଥିଲେ । କେଉଁ କାରଣ ପାଇଁ  ୨ ଭଉଣୀ ବୈତରଣୀ ନଦୀକୁ ଯାଇଥିଲେ ତାହାର କାରଣ ଅଷ୍ପଷ୍ଟ ରହିଛି । ଆରଡି ପୁଲିସ ଓ ମଙ୍ଗଳପୁର ପୁଲିସ ଶବକୁ ଜବତ କରିବା ସହ ତଦନ୍ତ ଜାରି ରଖିଛି।