କଟକରେ ଅସଲି ବୋତଲରେ ନକଲି ପାଣି

ନନ୍ଦିଘୋଷ ବ୍ୟୁରୋ: କଟକରେ ପାଣି ବି ନକଲି । ଅସଲି ବୋତଲରେ ନକଲି ପାଣି । ଚିମଙ୍କା ବ୍ରାଣ୍ଡ ଦେଇ ଜାରରେ ଟ୍ୟାପ ପାଣି ପୁରାଇ ଚାଲିଥିଲା ବ୍ୟବସାୟ । ବିଶେଷ ସୂତ୍ରରୁ ଖବର ପାଇ ଚଢ଼ାଉ କରିଥିଲା ସିଏମସି ସ୍ୱାସ୍ଥ୍ୟ ଅଧିକାରୀଙ୍କ ଟିମ । କମ୍ପାନୀର କୌଣସି କାଗଜପତ୍ର ନଥିବାବେଳେ ବ୍ରାଣ୍ଡ ଜାରରେ ଟ୍ୟାପୁରୁ ପାଣି ପୁରାଇ ବିକ୍ରି କରାଯାଉଥିଲା । ସିଏମସି ସ୍ୱାସ୍ଥ୍ୟ ଅଧିକାରୀଙ୍କ ଟିମ କମ୍ପାନୀକୁ ସିଲ କରିବା ସହ ସମ୍ପୁକ୍ତ ଫାଇନ କରିଛି । କିଛିଦିନ ତଳେ କଟକ ଜଗତପୁର ଅଞ୍ଚଳରେ ଏଭଳି ଆଉ ଏକ ପାଣି କମ୍ପାନୀକୁ ସିଲ କରିଥିଲା ସିଏମସି ସ୍ୱାସ୍ଥ୍ୟ ଟିମ । ଆଗାମୀ ଦିନରେ ଏହିଭଳି ନକଲି ପାଣି କମ୍ପାନୀଙ୍କ ଉପରେ ଚଢ଼ାଉ ଜାରି ରହିବ ବୋଲି କହିଛନ୍ତି ସିଏମସି ସ୍ୱାସ୍ଥ୍ୟ ଅଧିକାରୀ ।