ବଢ଼ିଲା ଟିଏମସିର ପୂର୍ବତନ ସାଂସଦ ମହୁଆ ମିତ୍ରଙ୍କ ଅଡୁଆ

ନୂଆଦିଲ୍ଲୀ: ବଢ଼ିଲା ଟିଏମସିର ପୂର୍ବତନ ସାଂସଦ ମହୁଆ ମିତ୍ରଙ୍କ ଅଡୁଆ। ବୈଦେଶିକ ମୁଦ୍ରା ପରିଚାଳନା ଆଇନ ବା ଫେମା ମାମଲାରେ ଆଜି ହାଜର ହେବା ଲାଗି ମହୁଆ ଓ ବିଜନେସମ୍ଯାନ ଦର୍ଶନ ହୀରାନନ୍ଦନୀଙ୍କୁ ସମନ ଜାରି କରିଛି ପ୍ରବର୍ତ୍ତନ ନିର୍ଦ୍ଦେଶାଳୟ। ଜଣେ ସାଂସଦ ଭାବେ ଅର୍ଥନୈତିକ ତ୍ରୁଟି ସମ୍ପନ୍ନ କାର୍ଯ୍ୟ କରିବା ଅଭିଯୋଗରେ ତାଙ୍କୁ ଲୋକସଭାରୁ ଗତ ଡିସେମ୍ବର ୮ରେ ଏଥିକ୍ସ କମିଟି ସୁପାରିସ ଆଧାରରେ ତାଙ୍କୁ ବହିଷ୍କାର କରିଥିଲେ ବାଚସ୍ପତି।

ନନ୍ ରେସିଡେଣ୍ଟ ଏକ୍ସଟରନାଲ ବା ଏନଆରଇ ଆକାଉଣ୍ଟ ସହ ଆର୍ଥିକ କାରବାର ପ୍ରସଙ୍ଗରେ ଜେରା କରୁଛି ତଦନ୍ତାକାରୀ ସଂସ୍ଥା। କେନ୍ଦ୍ର ସରକାରଙ୍କୁ ହରଡ଼ଘଣାରେ ପକାଇବା ଲାଗି ପ୍ରଶ୍ନ କରିବା ସକାଶେ ମହୁଆ ୨ କୋଟି ଟଙ୍କା ନେଇଥିଲେ ବୋଲି ତାଙ୍କ ନାମରେ ଅଭିଯୋଗ ରହିଛି। ତେବେ ଏହି ଅଭିଯୋଗକୁ ଖଣ୍ଡନ କରିଆସିଛନ୍ତି ମହୁଆ । ଏହା ସହ ବ୍ୟବସାୟୀ ଦର୍ଶନ ହିରାନନ୍ଦାନୀଙ୍କୁ ନିଜର ପାର୍ଲାମେଣ୍ଟାରୀ ଓ୍ବେବସାଇଟର ଲଗ-ଇନ ଦେଇଥିଲେ ବୋଲି ଅଭିଯୋଗ ହୋଇଥିଲା।

ଏହି ଟଙ୍କା ମହୁଆଙ୍କୁ ଦର୍ଶନ ଦେଇଥିବା ଅଭିଯୋଗ ହୋଇଥିଲା। ଫଳରେ ସଂସଦର ପ୍ରଶ୍ନକାଳ ପୂର୍ବରୁ ପ୍ରଶ୍ନଗୁଡିକୁ ସିଧାସଳଖ ସବମିଟ କରିବା ଲାଗି କ୍ଷେତ୍ର ପ୍ରସ୍ତୁତ ହେଉଥିଲା। ସିଧାସଳଖ ପ୍ରଶ୍ନ ସବମିଟ କରିବା ସଂକ୍ରାନ୍ତ ଅଭିଯୋଗକୁ ମହୁଆ ସ୍ବୀକାର କରିଥିଲେ ଏବଂ ଏହା ଅନେକ ସାଂସଦଙ୍କ ଲାଗି ସାଧାରଣ କଥା ବୋଲି କହିଥିଲେ ମହୁଆ। ଟିଏମସିର ଲୋକସଭା ପ୍ରାର୍ଥୀ ଭାବେ କ୍ରିଷ୍ଣାନଗରରୁ ଲଢିବେ ମହୁଆ ମିତ୍ର।