ସମୟ ବଡ଼ ବଳବାନ, କରୋନା ସହ ଲଢ଼େଇ ପାଇଁ ଆମେରିକାକୁ ସହାୟତା ପଠାଇଲା ମିଶର

କାଇରୋ : ଆମେରିକା ଠାରୁ ସବୁଠୁ ଅଧିକ ସାହାଯ୍ୟ ପାଉଥିବା ଦେଶ ମଧ୍ୟରୁ ଗୋଟିଏ ଦେଶ ମିଶର ମଙ୍ଗଳବାର ମେଡିକାଲ ସପ୍ଲାୟ ରେ ଭର୍ତ୍ତି ଏକ ବିମାନ ନିଜ ଆଡ଼ୁ ଆମେରିକାକୁ ପଠାଇଛି । କରୋନା ଭାଇରସ ସହ ଲଢ଼େଇ କରିବା ପାଇଁ ମିଶର ଆମେରିକାକୁ ଏହି ସାହାଯ୍ୟ କରିଛି ।

ଇଜିପ୍ଟରେ ଜେନେରାଲରୁ ରାଷ୍ଟ୍ରପତି ହୋଇଥିବା ଅବ୍ଦେଲ ଫତହ ଅଲ-ସିସୀ ଆମେରିକା ରାଷ୍ଟ୍ରପତି ଡୋନାଲ୍ଟ ଟ୍ରମ୍ପଙ୍କ ସହ ସବୁବେଳେ ଭଲ ସମ୍ପର୍କ ବଜାୟ ରଖି ଆସିଛନ୍ତି । କରୋନା ଭାଇରସ ବିରୋଧରେ ଲଢେଇ ପାଇଁ ଚୀନ ଏବଂ ଇଟାଲୀକୁ ବି ମେଡିକାଲ  ସପ୍ଲାୟ ପଠାଇଛନ୍ତି ।

ସିସୀଙ୍କ କାର୍ଯ୍ୟାଳୟ ପକ୍ଷରୁ ଏକ ଭିଡିଓ ଜାରି କରି କହିଛନ୍ତି ଯେ, ଇଜିପ୍ଟ ବାସୀଙ୍କ ତରଫରୁ ଆମେରିକା ପାଇଁ ସାହାଯ୍ୟ । ଭିଡିଓରେ ମିଲିଟାରୀ କୋର୍ଗୋ ପ୍ଲେନରେ ମେଡିକାଲ ସପ୍ଲାଇ ଲୋଡ କରାଯାଉଥିବା ଦେଖିବାକୁ ମିଳିଛି ।