କଟକ : ରାଜ୍ୟର ବିଭିନ୍ନ ବାର ଆସୋସିଏସନର ନିର୍ବାଚନ ଅନୁଷ୍ଠିତ ହେଉଛି। ସକାଳୁ ସୁରୁଖୁରୁରେ ଚାଲିଛି ମତଦାନ। ରାଜ୍ୟର ବିଭିନ୍ନ ବାର ଆସୋସିଏସନ ର ବିଭିନ୍ନ ପଦ ନିମନ୍ତେ ହେଉଛି ଏହି ନିର୍ବାଚନ।ଏଥିରେ ୪୦ ହଜାର ରୁ ଉର୍ଦ୍ଧ୍ବ ଆଇନଜୀବୀ ନିଜର ମତ ସାବ୍ୟସ୍ତ କରିବେ। ନିୟମ ମୁତାବକ ଜଣେ ଆଇନଜୀବୀ କେବଳ ଗୋଟିଏ ବାର ପାଇଁ ମତ ଅଧିକାର ସାବ୍ୟସ୍ତ କରି ପାରିବେ। ହାଇକୋର୍ଟ ବାର ଆସୋସିଏସନ ର ସଭାପତି , ଉପ ସଭାପତି , ସମ୍ପାଦକ , ଯୁଗ୍ମ ସମ୍ପାଦକ , ସହକାରୀ ସମ୍ପାଦକ ସହ କାର୍ଯ୍ୟକାରୀ ସଦସ୍ୟ ଭଳି ବିଭିନ୍ନ ପଦ ପଦବୀ ଲାଗି ନିର୍ବାଚନ ଅନୁଷ୍ଠିତ ହେଉଛି। ଆଜି ସକାଳ ୮ ଟାରୁ ଦିନ ୩ ପର୍ଯ୍ୟନ୍ତ ଭୋଟ ଗ୍ରହଣ କରାଯିବ। ଅପରାହ୍ନ ୪ ଟା ପରେ ଭୋଟ ଗଣତି କରାଯାଇ ଫଳ ଘୋଷଣା କରାଯିବାର ରହିଛି।
