ଓଡ଼ିଶାରେ ବଢୁଛି ଇଲେକ୍ଟ୍ରିକ ଗାଡ଼ିର ଚାହିଦା
ଭୁବନେଶ୍ୱର : ସଫଳ ହେଉଛି ରାଜ୍ୟ ସରକାରଙ୍କ ପ୍ରଦୂଷଣ ମୁକ୍ତ ପରିବେଶ ଯୋଜନା। ପ୍ରୋତ୍ସାହନ ଯୋଗୁଁ ଅନ୍ୟ ରାଜ୍ୟ ତୁଳନାରେ ଓଡ଼ିଶାରେ ବଢୁଛି ଇଲେକ୍ଟ୍ରିକ ଗାଡ଼ିର ଚାହିଦା।
ଇଭି ଗାଡ଼ି କିଣା ବାବଦକୁ ରାଜ୍ୟ ସରକାର ସବସିଡି ବାବଦରେ ଖର୍ଚ୍ଚ କରିଛନ୍ତି ୭୦ କୋଟିରୁ ଉର୍ଦ୍ଧ୍ବ ଟଙ୍କା। ତେଣୁ ୨୦୨୪ ସୁଦ୍ଧା ରାଜ୍ୟରେ ଇଭି ଗାଡ଼ିର ସଂଖ୍ୟା ଆହୁରି ବଢିବ ବୋଲି ଆଶା ରଖିଛି ପରିବହନ ବିଭାଗ। ବର୍ତ୍ତମାନ ସୁଦ୍ଧା ମୋଟ ୪୨. ୩୮୨ ଇଲେକଟ୍ରିକ୍ ଗାଡି ରାସ୍ତାରେ ଚାଲୁଛି । ସେଥିମଧ୍ୟରୁ ୨ ଚକିଆ ୩୭ ହଜାର ୪୨୨, ୩ ଚକିଆ ୩ ହଜାର ୮୯୨ ଓ ୧ ହଜାର ୬୮ଟି ୪ ଚକିଆ ଗାଡ଼ି ଚାଲୁଛି।
ଆଗାମୀ ଦିନରେ ଏହାର ସଂଖ୍ୟା ଆହୁରି ବୃଦ୍ଧି ପାଇବ ସହ ଇଲେଟ୍ରିକ ଗାଡି ଅଧିକରୁ ଅଧିକ ବିକ୍ରିହେବ ଆକଳନ କରିଛି ରାଜ୍ୟ ପରିବହନ ବିଭାଗ।
