ଭୁବନେଶ୍ବର: ଚନ୍ଦକା ଗୋଡ଼ିବାରିରେ ଅସୁସ୍ଥ ହାତୀ ଛୁଆର ମୃତ୍ୟୁ ।ଚିକିତ୍ସାଧୀନ ଅବସ୍ଥାରେ ହାତୀ ଛୁଆର ମୃତ୍ୟୁ ଘଟିଥିବା ଜଣାଯାଇଛି। ମୃତ ହାତୀ ଛୁଆଟିର ବୟସ ପ୍ରାୟ ୩ବର୍ଷ ହେବ।ହାତୀ ଛୁଆଟି ବଲାଙ୍ଗିର ଜିଲ୍ଲା ଦେଓଗାଁରୁ ଆସିଥିଲା। ଗତ କିଛି ଦିନ ହେବ ଗଳାରେ କ୍ଷତ ଥିବାରୁ ଚିକିତ୍ସିତ ହେଉଥିଲା ହାତୀ ଛୁଆ।
ଚନ୍ଦକା-ଡମପଡ଼ା ଅଭୟାରଣ୍ୟର ଗୋଡ଼ିବାରି ହାତୀ ପ୍ରଶିକ୍ଷଣ କେନ୍ଦ୍ରରେ ତାର ଚିକିତ୍ସା କରାଯାଉଥିଲା। ପ୍ରାୟେ ଗୋଟିଏ ସପ୍ତାହ ହେବ ନନ୍ଦନକାନନ ଓ OUAT ପ୍ରାଣୀ ଚିକିତ୍ସକଙ୍କ ଦ୍ବାରା ତାକୁ ସୁସ୍ଥ କରିବାକୁ ଉଦ୍ୟମ କରାଯାଉଥିଲା। ଗଳାରେ କ୍ଷତ ଥିବାରୁ କିଛି ଖାଇ ପିଇ ପାରୁନଥିବାରୁ ସାଲାଇନ ଜରିଆରେ ତାକୁ ବଞ୍ଚାଇ ରଖାଯାଇଥିଲା । ଗତକାଲି ସନ୍ଧ୍ୟା ୬ଟାରେ ହାତୀ ଛୁଆଟିର ମୃତ୍ୟୁ ହୋଇଛି । ଆଜି ତାହାର ପୋଷ୍ଟ ମର୍ଟମ୍ କରାଯିବ ବୋଲି ଚନ୍ଦକା DFO ଶରତ ଚନ୍ଦ୍ର ବେହେରା ସୂଚନା ଦେଇଛନ୍ତି।
